കോട്ടയം: പയ്യപ്പാടി ഗുരുദേവ ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയിൽ പിടിഎയുടെയും ജീവനക്കാരുടെയും മാനേജ്മെന്‍റിന്‍റെയും സംയുക്താഭിമുഖ്യത്തിൽ ശാസ്ത്രസാങ്കേതിക പ്രദർശനവും സാംസ്കാരികോത്സവവും സംഘടിപ്പിക്കും. ആരവ് 2017 എന്ന പേരിൽ 16, 17 തീയതികളിലാണു പരിപാടി നടക്കുന്നത്. 16ന് രാവിലെ 9.30ന് എംജി സർവകലാശാല വൈസ്ചാൻസലർ ഡോ. ബാബു സെബാസ്റ്റ്യൻ ആരവിന്‍റെ ഉദ്ഘാടനം നിർവഹിക്കും.
തുടർന്ന് രണ്ട് ദിവസങ്ങളിലായി പ്രോജക്ട് എക്സിബിഷൻ, പേപ്പർ പ്രസന്‍റേഷൻ, കുട്ടി എൻജിനീയർ, ടെക് ക്വിസ്, പ്രോജക്ട് എക്സ്പോ ഇൻ ഹൗസ്, ഓട്ടോഷോ, മസാലകോഫി, ബെസ്റ്റ് എന്‍റർടെയ്നർ, ഡാൻസ്, തീംഷോ എന്നിവ നടക്കും. ഇവയ്ക്കു പുറമെ ഐഎസ്ആർഒ, കൂടംകുളം ആണവ വൈദ്യുതനിലയം എന്നീ സ്റ്റാളുകളും ഒരുക്കിയിട്ടുണ്ട്.
17ന് വൈകുന്നേരം 4.30നു ചേരുന്ന സമാപനസമ്മേളനം ജില്ലാ പോലീസ് ചീഫ് എൻ. രാമചന്ദ്രൻ നായർ ഉദ്ഘാടനം ചെയ്യും. പത്രസമ്മേളനത്തിൽ കോളജ് ഭാരവാഹികളായ ഡോ. ജസ്റ്റിൻ ജോസ് ടി, വി.എം. ശശി, കെ.എൻ. ഭരതൻ, എബി കെ. ഏബ്രഹാം, ആർ. കാമരാജ് എന്നിവർ പങ്കെടുത്തു.
ആരവ് 2017 ശാസ്ത്ര സാങ്കേതിക പ്രദർശനം 16 മുതൽ
09:47 PM Feb 13, 2017 | Deepika.com