കോട്ടയം: എഴുത്തുകാർ എന്തെഴുതണമെന്നു തീട്ടൂരം നൽകുന്ന ഭരണാധികാരികൾക്കു മുന്നിൽ എഴുത്തിന്‍റെ സ്വാതന്ത്ര്യത്തിനുവേണ്ടി വാദിച്ചയാളാണ് ഒ.എൻ.വി.യെന്ന് സിപിഐ ദേശീയ സെക്രട്ടറിയേറ്റംഗം പന്ന്യൻ രവീന്ദ്രൻ. ഇപ്റ്റ ജില്ലാ കമ്മിറ്റി സംഘടിപ്പിച്ച ഒ.എൻ.വി. അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം.
വി.ബി. ബിനു അധ്യക്ഷത വഹിച്ചു. ഡോ. ബാബു ചെറിയാൻ മുഖ്യപ്രഭാഷണം നടത്തി. ഇപ്റ്റ സംസ്ഥാന സെക്രട്ടറി അനിൽ ബിശ്വാസ്, സിപിഐ ജില്ലാ സെക്രട്ടറി സി.കെ. ശശിധരൻ, ഡോ. എം.ജി. ബാബുജി, ഡോ. ബിജു കൈപ്പാറേടൻ, ഡോ. രാജു വള്ളിക്കുന്നം, പ്രഫ. നെടുംകുന്നം രഘുദേവ്, ഷാജി വെങ്കിടേത്ത്, എലിക്കുളം ജയദേവ്, ടി.ജി.ബി. മേനോൻ, വി.കെ. കരുണാകരൻ, അനിയൻ മാത്യു, ബൈജു വയലത്ത്, പ്രസന്നൻ ആനിക്കാട്, ജി.ആർ. പണിക്കർ, പി.ജി. ഷണ്‍മുഖം എന്നിവർ പങ്കെടുത്തു. തുടർന്ന് ഒ.എൻ.വി. കവിതകളുടെയും ഗാനങ്ങളുടെയും നാടൻപാട്ടുകളുടെയും ആലാപനവും നടന്നു.
ഒ.എൻ.വി. അനുസ്മരണം നടത്തി
09:44 PM Feb 13, 2017 | Deepika.com