കോട്ടയം: അടുക്കളയിൽ അപ്പം ഉണ്ടാക്കുന്പോൾ ശരിയാകുന്നില്ലെന്ന പരാതി വേണ്ട. ഓട്ടോമാറ്റിക് അപ്പം നിമിഷങ്ങൾക്കകം തയാറാക്കുന്ന പുത്തൻ കണ്ടുപിടുത്തം.
സാങ്കേതിക വിദ്യാർഥികളുടെ നവീന ആശയങ്ങളെ പ്രോത്സാഹിപ്പിച്ച് ആവിഷ്കരണ തലത്തിൽ എത്തിക്കുവാനായി സെന്റ് ഗിറ്റ്സ് എൻജിനിയറിംഗ് കോളജ് സംഘടിപ്പിക്കുന്ന "സൃഷ്ടി 2017 ' അഖിലേന്ത്യാ എൻജിനീയറിംഗ് പ്രോജക്്ട് പ്രദർശനത്തിലാണ് പൂർണമായും ഓട്ടോമാറ്റികായ യന്ത്രം പ്രദർശിപ്പിച്ചുട്ടുള്ളത്. അപ്പം ഉണ്ടാക്കുവാനുള്ള മാവ് യന്ത്രത്തിൽ ഘടിപ്പിച്ചിട്ടുള്ള പാത്രത്തിൽ ഒഴിച്ചാൽ മതിയാകും. കൃത്യമായ വലിപ്പത്തിലും കനത്തിലും ചട്ടിയിൽ ഒഴിക്കുവാൻ പ്രത്യേകം കറങ്ങുന്ന സംവിധാനം. നിർദ്ദിഷ്ട ലോക്കർ സിസ്റ്റത്തിൽ ചുറ്റുന്ന അപ്പം ശേഖരിക്കുവാൻ വെച്ചിട്ടുള്ള പാത്രത്തിൽ തനിയെ വന്നു വീഴുന്നു.പൂർണമായും മനുഷ്യ പ്രയത്നം വേണ്ടാത്ത ഇത്തരം യന്ത്രം ആദ്യമാണെന്ന് വിദ്യാർഥികൾ അവകാശപ്പെടുന്നു.
സെന്റ് ഗിറ്റ്സ് എൻജിനിയറിംഗ് കോളജിലെ മെക്കാനിക്കൽ എൻജിനിയറിങ് വിദ്യാർഥികളായ ടോണി വർഗീസ്, ശ്രീരാഗ് എം.പി , സുകേഷ് പി.പി,പ്രൈസ് സാബു,വൈശാഖ് എസ് കുറുപ്പ് എന്നിവരാണ് അധ്യാപകൻ എസ് . നന്ദുവിന്റെ കീഴിൽ ഈ നൂതന ആവിഷ്കാരം ഒരുക്കിയത്.
ഗുജറാത്തിലെ രാജ്കോട്ടിലുള്ള ബിഎച്ച് ഗാർഡി എൻജിനിയറിംഗ് കോളജിലേ വിദ്യാർഥികൾ അവതരിപ്പിച്ച കോംപാക്ട് കാർഗോ ലിഫ്റ്ററാണ് മറ്റൊരു ആകർഷണം.
ഹരിയാനയിൽ നിന്നുള്ള ഒരു സംഘം വിദ്യാർത്ഥികളുടെ സ്മാർട്ട് ഡിജിറ്റൽ ബാങ്ക് ലോക്കർ സിസ്റ്റമാണ് മറ്റൊരു കൗതുകം.റെയിൽവേ പാളങ്ങളെ മാലിന്യത്തിൽ നിന്ന് രക്ഷിക്കുന്ന സ്മാർട്ട് ടോയ്ലറ്റ് സംവിധാനമൊരുക്കി തമിഴ്നാട് ഈറോഡിലുള്ള കൊങ്കു എൻജിനിയറിംഗ് കോളജിലേ വിദ്യാർഥികൾ ശ്രദ്ധ നേടി.
സീനിയർ സയന്റിസ്റ്റും പ്രോജക്്ട ഡയറക്്ടറുമായ എൻ.ശിവകുമാർ "സൃഷ്ടി2017' ഉദ്ഘാടനം ചെയ്തു.സെന്റ് ഗിറ്റ്സ് ഡയറക്്ടർ തോമസ്.ടി.ജോണ് ചടങ്ങിൽ അധ്യക്ഷത വഹിച്ചു.
സെന്റ് ഗിറ്റ്സ് എൻജിനിയറിംഗ് കോളജ് പ്രിൻസിപ്പൽ ഡോ. എം.സി.ഫിലിപ്പോസ്, സെന്റ് ഗിറ്റ്സ് എക്സിക്യുട്ടിവ് ചെയർമാൻ പുന്നൂസ് ജോർജ് ,ചീഫ് ഓപ്പറേറ്റിംഗ് ഓഫീസർ കേണൽ ജോണ് ജേക്കബ്, ഗവേണിംഗ് ബോർഡ്മെന്പർ മിനി പുന്നൂസ്, സൃഷ്ടി ചീഫ് കോർഡിനേറ്റർ ഡോ. ചെറിയാൻ പോൾ, ഡോ. ചന്ദ്രശേഖരൻ നായർ , കോർഡിനേറ്റർമാരായ വിനയ് മാത്യു ജോണ് , ജ്യോതിഷ് ചന്ദ്രൻ ജി, വിപിൻ ദാസ്, വിനു കോശി , ചിൻ മോഹൻ, ആകാശ് പി പിള്ള,ജിപ്സ എൽസ എബി തുടങ്ങിയവർ പ്രസംഗിച്ചു.
"സൃഷ്ടി 2017 ' അഖിലേന്ത്യാ എൻജിനിയറിംഗ് പ്രോജക്്ട് പ്രദർശനത്തിന് തുടക്കം
09:44 PM Feb 13, 2017 | Deepika.com