കോട്ടയം: കോട്ടയം കാത്തലിക് മൂവ്മെന്റിന്റെയും കോട്ടയം കരിസ്മാറ്റിക് സോണിന്റെയും സംയുക്താഭിമുഖ്യത്തിൽ നാളെ മുതൽ 19 വരെ കോട്ടയം നാഗന്പടം സെന്റ് ആന്റണീസ് തീർഥാടന കേന്ദ്രത്തിൽ 32-ാമത് കോട്ടയം ബൈബിൾ കണ്വൻഷൻ നടക്കും.
ഉച്ചകഴിഞ്ഞു മൂന്നു മുതൽ രാത്രി 7.50 വരെയാണു കണ്വൻഷൻ. നാളെ ഉച്ചകഴിഞ്ഞു മൂന്നിന് ജപമാലയോടെ ശുശ്രൂഷ ആരംഭിക്കും. നാലിന് ഫാ. വർഗീസ് മുണ്ടയ്ക്കൽ വിശുദ്ധ കുർബാന അർപ്പിക്കും. 5.15നു കെസിബിസി കരിസ്മാറ്റിക് കമ്മീഷൻ ചെയർമാൻ സാമുവൽ മാർ ഐറേനിയൂസ് കണ്വൻഷൻ ഉദ്ഘാടനം ചെയ്യും. തുടർന്ന് റവ.ഡോ. അലോഷ്യസ് കുളങ്ങര വചനപ്രഘോഷണം നടത്തും. 16ന് വൈകുന്നേരം 4.15ന് ചങ്ങനാശേരി അതിരൂപത നിയുക്ത സഹായ മെത്രാൻ മാർ തോമസ് തറയിൽ വിശുദ്ധ കുർബാന അർപ്പിച്ച് സന്ദേശം നൽകും. തുടർന്ന് വി.വി. അഗസ്റ്റിൻ വചനപ്രഘോഷണം നടത്തും.
ദിവ്യകാരുണ്യാരാധനയ്ക്ക് കളത്തിപ്പടി ക്രിസ്റ്റീൻ ടീം നേതൃതം നൽകും. 17ന് വൈകുന്നേരം 4.15ന് ആർച്ച് ബിഷപ് മാർ മാത്യു മൂലക്കാട്ട് വിശുദ്ധ കുർബാന അർപ്പിച്ച് സന്ദേശം നൽകും. തുടർന്ന് സിസ്റ്റർ എൽസിപോൾ വചന പ്രഘോഷണം നടത്തും. ദിവ്യകാരുണ്യാരാധയ്ക്ക് ജീസസ് യൂത്ത് ടീം നേതൃത്വം നൽകും. 18നു വൈകുന്നേരം നാലിന് ആർച്ച് ബിഷപ് തോമസ് മാർ കൂറിലോസ് വിശുദ്ധ കുർബാന അർപ്പിച്ച് സന്ദേശം നൽകും. തുടർന്ന് സെബാസ്റ്റ്യൻ താന്നിക്കൽ വചനപ്രഘോഷണം നടത്തും.
ദിവ്യകാരുണ്യാരാധനയ്ക്ക് കോട്ടയം കരിസ്മാറ്റിക് സോണൽ സർവീസ് ടീം നേതൃത്വം നൽകും. സമാപന ദിവസമായ 19നു വൈകുന്നേരം നാലിന് ബിഷപ് ഡോ. സെബാസ്റ്റ്യൻ തെക്കത്തച്ചേരിൽ വിശുദ്ധ കുർബാന അർപ്പിച്ച് സന്ദേശം നൽകും. തുടർന്ന് ഷാജി വൈക്കത്തുപറന്പിൽ വചനപ്രഘോഷണം നടത്തും.
രാത്രി ഏഴിന് ദിവ്യകാരുണ്യാരാധയ്ക്കും ആത്മാഭിഷേക ശുശ്രൂഷയ്ക്കും മോണ്. സെബാസ്റ്റ്യൻ പൂവത്തുങ്കൽ നേതൃത്വം നൽകും. കണ്വൻഷന്റെ വിജയത്തിനായി കെസിഎം പ്രസിഡന്റ് മോണ്. ജോസ് നവസിന്റെയും വൈസ് പ്രസിഡന്റുമാരായ റവ.ഡോ. ജോസഫ് മണക്കളത്തിന്റെയും ഫാ. ഫിലിപ്പ് വലിയകാവുങ്കലിന്റെയും സെക്രട്ടറി റവ.ഡോ. ജോണ് ചേന്നാകുഴിയുടെുയം നേതൃത്വത്തിൽ വിവിധ കമ്മിറ്റികൾ പ്രവർത്തിക്കുന്നു. 100 പേരടങ്ങുന്ന വോളണ്ടിയേഴ്സ് ടീം കണ്വൻഷന്റെ മുഴുവൻ ദിവസങ്ങളിലും സേവനം അനുഷ്ഠിക്കും. പത്രസമ്മേളനത്തിൽ റവ.ഡോ. ജോണ് ചേന്നകുഴി, ഫാ. ഫിലിപ്പ് വലിയകാവുങ്കൽ, കെ.സി. ജോയി കൊച്ചുപറന്പിൽ, ജോസ് എ. തയ്യിൽ എന്നിവർ പങ്കെടുത്തും.
കോട്ടയം ബൈബിൾ കണ്വൻഷൻ നാളെ മുതൽ
09:44 PM Feb 13, 2017 | Deepika.com