ബൈക്കിടിച്ച് കാൽനടയാത്രക്കാരൻ മരിച്ചു
11:35 PM Feb 12, 2017 | Deepika.com
തലയോലപ്പറമ്പ്: നിയന്ത്രണംവിട്ടബെെക്കിടിച്ച് കാല്നടയാത്രക്കാരനായ കെട്ടിട നിര്മാണ തൊഴിലാളി മരിച്ചു. ചെമ്പ് കാട്ടിക്കുന്ന് ചേന്നോത്ത് വീട്ടില് ബാബുക്കുട്ടന് നായര്(48)ആണ് മരിച്ചത്. ഇന്നലെ ഉച്ചകഴിഞ് രണ്ടിന് കാട്ടിക്കുന്ന് പള്ളിക്ക് സമീപമാണ് അപകടം. റോഡരികിലൂടെ സഞ്ചരിക്കുകയായിരുന്ന ബാബുക്കുട്ടനെ വൈക്കം ഭാഗത്തുനിന്നും തൃപ്പൂണിത്തുറയിലേക്ക് പോകുകയായിരുന്ന എന്ഫീല്ഡ് ബൈക്ക് നിയന്ത്രണംവിട്ട് ഇടിച്ചുതെറിപ്പിക്കുകയായിരുന്നു. അപകടംകണ്ട് ഓടികൂടയവര് പരിക്കേറ്റ ഇയാളെ തൃപ്പൂണിത്തുറ പറവൂരിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സഹോദരന് ചന്ദ്രശേഖരന് നായര്ക്കൊപ്പമായിരുന്നു താമസം. സംസ്കാരം ഇന്ന് ഉച്ചയ്ക്ക് ഒന്നിന് വീട്ടുവളപ്പില്.