കാസർഗോഡ്: എംഎൽഎയുടെ പ്രത്യേക ആസ്തിവികസന നിധിയിൽ ഉൾപ്പെടുത്തി കാഞ്ഞങ്ങാട് നിയമസഭാ മണ്ഡലത്തിലെ കാഞ്ഞങ്ങാട് നഗരസഭയിൽ കുശാൽ നഗർ-കാടിക്കൽ ദിനേശ് ബീഡി റോഡ് ടാറിംഗിന് റവന്യുമന്ത്രി ഇ.ചന്ദ്രശേഖരൻ അഞ്ചുലക്ഷം രൂപ അനുവദിച്ചു.
കാസർഗോഡ് മണ്ഡലത്തിൽ എൻ.എ.നെല്ലിക്കുന്ന് എംഎൽഎയുടെ പ്രത്യേക ആസ്തി വികസന ഫണ്ടിൽ കാറഡുക്ക പഞ്ചായത്തിലെ മുണ്ടോൾ അന്പലം റോഡ് ടാറിംഗിനു രണ്ടു ലക്ഷം രൂപയും നടുക്കുന്നിൽ കുഴൽക്കിണറും വാട്ടർ ടാങ്കും പൈപ്പ് ലൈനും സ്ഥാപിക്കുന്നതിനായി ഒരു ലക്ഷം രൂപയും അനുവദിച്ചു.
തൃക്കരിപ്പൂർ മണ്ഡലത്തിൽ എംഎൽഎയുടെ പ്രാദേശിക ആസ്തി വികസന ഫണ്ടുപയോഗിച്ച് പിലിക്കോട് പഞ്ചായത്തിലെ പുത്തിലോട് മാപ്പിട്ടച്ചേരി കാവിന് താഴെ റോഡിന് മൂന്നുലക്ഷം രൂപ അനുവദിച്ചു. പദ്ധതികൾക്കു ജില്ലാകളക്ടർ കെ.ജീവൻബാബു ഭരണാനുമതി നൽകി.
എംഎൽഎ ഫണ്ട് അനുവദിച്ചു
11:12 PM Feb 12, 2017 | Deepika.com