കാർ കത്തിച്ച കേസിൽ ഒരാൾ കൂടി അറസ്റ്റിൽ
11:08 PM Feb 12, 2017 | Deepika.com
ആദൂർ: ഹിന്ദു ഐക്യവേദി കാസർഗോഡ് താലൂക്ക് ആക്ടിംഗ് പ്രസിഡന്റ് വാമന ആചാരിയുടെ ജ്വല്ലറി ആക്രമിക്കുകയും കാർ തീവച്ചു നശിപ്പിക്കുകയും ചെയ്ത കേസിലെ ഒരു പ്രതിയേക്കൂടി അറസ്റ്റ് ചെയ്തു. പൊവ്വൽ സ്വദേശി സൽമാൻ ഹാരിസി(27) നെയാണ് ആദൂർ എസ്ഐ സന്തോഷ് കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.എൻഡോസൾഫാൻ ഇരകൾക്ക് നഷ്ടപരിഹാരം നൽകണമെന്ന സുപ്രീം കോടതി വിധിയിൽ ആഹ്ലാദം പ്രകടിപ്പിച്ച് ഡിവൈഎഫ്ഐ പ്രവർത്തകർ ബോവിക്കാനത്ത് ആഹ്ലാദപ്രകടനം നടത്തുന്നതിനിടെ പ്രകടനക്കാരിൽ ചിലർ വാമനആചാരിയുടെ ജ്വല്ലറി ആക്രമിക്കുകയും കാർ തീവെച്ച് നശിപ്പിക്കുകയും ചെയതുവെന്നാണ് കേസ്.