കണ്ണൂർ : മുസ്ലിം ന്യൂനപക്ഷങ്ങളുടെ മേൽ ഭീകര മുദ്രയടിച്ച് നവോത്ഥാന ചരിത്രം വികലമാക്കാനുള്ള ആസൂത്രിത ശ്രമം ചെറുക്കണമെന്ന് മുജാഹിദ് ജില്ലാ സമ്മേളനം ആവശ്യപ്പെട്ടു.നവോത്ഥാന ചരിത്രം തിരുത്താനും പുനർനിർവചിക്കാനുമുള്ള നിഗൂഢമായ നീക്കം നടക്കുകയാണ്.
സാംസ്കാരിക നായകരേയും മറ്റും കൂട്ടു പിടിച്ച് കേരള മുസ്ലിം നവോത്ഥാന ചരിത്രം വക്രീകരിക്കാനുള്ള ശ്രമം ആശങ്കയുളവാക്കുന്നതാണ്.
നവോത്ഥാന ചരിത്രത്തെ ഭയക്കുന്നത് വർഗീയ ഫാസിസ്റ്റുകളും തീവ്രവാദികളുമാണ്. എല്ലാ മത വിഭാഗങ്ങളുടെയും പ്രചോദനമാണ് ദേശീയ സമരത്തിന്റെ ശക്തിയെന്ന് തിരിച്ചറിയണം. സാംസ്കാരിക ഫാസിസം പിടിമുറുക്കുന്ന കാലത്ത് അക്ഷരങ്ങളും വാക്കും പ്രതിരോധത്തിനായി ഉപയോഗിക്കണമെന്നും സമ്മേളനമാവശ്യപ്പെട്ടു .
കണ്ണൂർ സ്റ്റേഡിയം കോർണറിൽ നടന്ന സമ്മേളനം കെഎൻഎം സംസ്ഥാന വൈസ് പ്രസിഡന്റ് ഡോ. ഹുസൈൻ മടവൂർ ഉദ്ഘാടനം ചെയ്തു. ജില്ലാ ചെയർമാൻ ഡോ. എ.എ. ബഷീർ അധ്യക്ഷത വഹിച്ചു.
ഭീകര മുദ്രയടിച്ച് നവോത്ഥാന ചരിത്രം വികലമാക്കാൻ ശ്രമമെന്ന്
11:02 PM Feb 12, 2017 | Deepika.com