സുൽത്താൻ ബത്തേരി: നിർധനർക്ക് ഉപയോഗയോഗ്യമായ വസ്ത്രങ്ങൾ സൗജന്യമായി നൽകുന്ന പദ്ധതിയുമായി സന്നദ്ധ സംഘടന.
ഏജൻസി ഫോർ ഡവലപ്മെന്റ് ഓപറേഷൻസ് ഇൻ റൂറൽ ഏരിയാസാണ് (അഡോറ) എയ്ഞ്ചൽ കലക്ഷൻസ് എന്ന പേരിൽ പദ്ധതി പ്രാവർത്തികമാക്കുന്നത്. ഇതിന്റെ ഉദ്ഘാടനം മാരിയമ്മൻ ക്ഷേത പരിസരത്തെ ആര്യ ബിൽഡിംഗിൽ മുൻസിപ്പൽ ചെയർമാൻ സി.കെ. സഹദേവൻ നിർവഹിച്ചു.
നിർധനർക്ക് അളവിനും ഇഷ്ടത്തിനും അനുസരിച്ച് വില നൽകാതെ തെരഞ്ഞെടുക്കാവുന്ന വസ്ത്രങ്ങളുടെ ശേഖരമാണ് അഡോറ കളക്ഷൻസിൽ.
വിലയ്ക്ക് വാങ്ങിയതും സംഭാവനയായി ലഭിച്ചതുമായ വിവാഹ വസ്ത്രങ്ങളും ഉൾപ്പെടുന്നതാണ് ശേഖരം.
സുമനസുകൾ സംഭാവന ചെയ്യുന്ന പഴയതും പുതിയതുമായ വസ്ത്രങ്ങൾ സ്വീകരിക്കുന്നതിനുള്ള സൗകര്യവും സ്ഥാപനത്തിൽ ഒരുക്കിയിട്ടുണ്ടെന്ന് അഡോറ പ്രവർത്തകരായ നർഗീസ് ബീഗം, എം.ഡി. തങ്കച്ചൻ, അബ്ദുൽ ഗഫൂർ എന്നിവർ അറിയിച്ചു.
നിർധനർക്ക് കൈത്താങ്ങുമായി അഡോറ എയ്ഞ്ചൽ കളക്ഷൻസ്
09:45 PM Feb 12, 2017 | Deepika.com