അജ്ഞാത മൃതദേഹം കണ്ടെത്തി
04:04 AM Feb 12, 2017 | Deepika.com
മാവേലിക്കര: തഴക്കര റെയിൽവേ ക്രോസിനു സമീപം അജ്ഞാതനെ ട്രെയിൻ തട്ടി മരിച്ച നിലയിൽ കണ്ടെത്തി. ഇന്നലെ രാവിലെ മൃതദേഹം വഴിയാത്രക്കാരുടെ ശ്രദ്ധയിൽ പെടുകയായിരുന്നു. 60 വയസു തോന്നിക്കും. 156 സെന്‍റീമീറ്റർ ഉയരമുള്ള കറുത്തു തടിച്ച ഇയാൾ വെള്ളമുണ്ടും കറുപ്പും ചുവപ്പും വരകളോടു കൂടിയ ഷർട്ടുമാണ് ധരിച്ചിരിക്കുന്നത്. മൃതദേഹം മാവേലിക്കര ജില്ലാ ആശുപത്രി മോർച്ചറിയിൽ. വിവരം ലഭിക്കുന്നവർ മാവേലിക്കര പോലീസ് സ്റ്റേഷനിൽ അറിയിക്കണമെന്ന് പോലീസ് അറിയിച്ചു. ഫോണ് : 0479-2344342, 9497980282.