നെയ്യാറ്റിന്കര : സമൂഹത്തിന്റെ സര്വതോന്മുഖമായ വികസനത്തില് മാധ്യമപ്രവര്ത്തകര്ക്കും നിര്ണായകമായ പങ്ക് നിര്വഹിക്കാനുണ്ടെന്ന് കെ. ആന്സലന് എംഎല്എ.
മികച്ച പരിസ്ഥിതി ഡോക്യുമെന്ററിക്കുള്ള വജ്രമുദ്ര പുരസ്കാരം ലഭിച്ച സംവിധായകനും മാധ്യമപ്രവര്ത്തകനുമായ ഗിരീഷ് പരുത്തിമഠത്തിനെ അനുമോദിക്കാന് സ്വദേശാഭിമാനി ജേര്ണലിസ്റ്റ് ഫോറവും നെയ്യാറ്റിന്കര പ്രസ് ക്ലബും സംയുക്തമായി ഒരുക്കിയ സര്ഗാദരം ഉദ്ഘാടനം ചെയ്ത് പ്രസംഗിക്കുകയായിരുന്നു അദേഹം.
നെയ്യാറ്റിന്കര പി ഡബ്ല്യുഡി റസ്റ്റ് ഹൗസ് ഹാളില് ചേര്ന്ന യോഗത്തില് പ്രസ് ക്ലബ് സെക്രട്ടറി അജിത്കുമാര് അധ്യക്ഷനായിരുന്നു. നഗരസഭ വൈസ് ചെയര്മാന് കെ.കെ ഷിബു, ഡിസിസി ജനറല് സെക്രട്ടറി എം. മുഹിനുദീന്, സിപിഎം നെയ്യാറ്റിന്കര ഏരിയ സെക്രട്ടറി പി. കെ രാജ്മോഹന്, ബിജെപി മണ്ഡലം പ്രസിഡന്റ് സുരേഷ് തന്പി, മഞ്ചത്തല സുരേഷ്, നഗരസഭ കൗണ്സിലര് ഗ്രാമം പ്രവീണ്, എന്. കെ. രഞ്ജിത്ത്, എം. രാജ്മോഹന്, പ്രസ് ക്ലബ് പ്രസിഡന്റ് വി. ഹരിദാസ്, വൈസ് പ്രസിഡന്റ് സജിലാല് നായര്, ഫോട്ടോ ജേര്ണലിസ്റ്റ് അജയന് അരുവിപ്പുറം, മാധ്യമപ്രവര്ത്തകരായ എ. പി. ജിനന്, ഹലീല് റഹ്മാന്, ഗ്ലാഡ്സ്റ്റൺ, അനില്കുമാര്, അരുണ്മോഹന്, പ്രദീപ്, ബാദുഷ ജമാല്, ഗണേശന് എന്നിവര് പങ്കെടുത്തു.
ഗിരീഷ് പരുത്തിമഠത്തിന് സര്ഗാദരം
02:00 AM Feb 12, 2017 | Deepika.com