കാഞ്ഞിരപ്പള്ളി: കാഞ്ഞിരപ്പള്ളി അമൽജ്യോതി എൻജിനിയറിംഗ് കോളജിൽ സ്റ്റുഡന്റ്സ് കൗണ്സിലിന്റെ ആഭിമുഖ്യത്തിൽ നടന്ന ഓൾ കേരള ഇന്റർ കൊളീജിയറ്റ് വോളി ബോൾ ടൂർണമെന്റിൽ കാഞ്ഞിരപ്പള്ളി അമൽ ജ്യോതി എൻജിനിയറിംഗ് കോളജ് ചാന്പ്യൻമാരായി. വാശിയേറിയ ഫൈനലിൽ അമൽ ജ്യോതി രണ്ടിനെതിരെ മൂന്ന് സെറ്റുകൾക്ക് (സ്കോർ: 25-22, 25-20, 23-25, 23-25, 15-13 ) പാലാ സെന്റ് ജോസഫ്സ് എൻജിനീയറിംഗ് കോളജിനെ കീഴടക്കിയാണ് ചാന്പ്യന്മാരായത്.
അമൽജ്യോതി യിലെ നാലാം വർഷ ഇലക്്ട്രിക്കൽ വിദ്യാർഥി ഷിനു രാജിനെ ടൂർണമെന്റിലെ മികച്ച കളിക്കാരനായി തെരഞ്ഞെടുത്തു. ടൂർണമെന്റിലെ മികച്ച അറ്റാക്കറായി മൂന്നാം വർഷ മെക്കാനിക്കൽ എൻജിനീയറിംഗ് വിദ്യാർഥി റെൻ ചെറിയാനെയും മികച്ച ഡിഫൻഡറായി പാലാ സെന്റ് ജോസഫ്സ് എൻജിനീയറിംഗ് കോളജിലെ റിച്ചിൻ കുരുവിളയെയും തെരഞ്ഞെടുത്തു.
വിജയികൾക്ക് കോളജ് മാനേജർ റവ. ഡോ. മാത്യു പായിക്കാട്ട് ട്രോഫിയും കോളജ് പ്രിൻസിപ്പൽ േഡാ. ഇസഡ്. വി. ളാകപ്പറന്പിൽ സർട്ടിഫിക്കറ്റുകളും വിതരണം ചെയ്തു. ടൂർണമെന്റിലെ മികച്ച കളിക്കാർക്കുള്ള ട്രോഫികൾ ജില്ലാ പഞ്ചായത്തു മെന്പർ സെബാസ്റ്റ്യൻ കുളത്തുങ്കൽ നൽകി.
കാഞ്ഞിരപ്പള്ളി അമൽജ്യോതി ചാന്പ്യന്മാർ
12:37 AM Feb 10, 2017 | Deepika.com