അങ്കമാലി: ഞാലൂക്കര സെന്റ് പീറ്റേഴ്സ് പള്ളിയിൽ വിശൂദ്ധ പത്രോസ് ശ്ലീഹായുടെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ നാളെ മുതൽ 12 വരെ ആഘോഷിക്കും. പ്രധാന തിരുനാൾ ദിനമായ 12ന് രാവിലെ ഏഴിന് വിശുദ്ധ കുർബാന. 10ന് ആഘോഷമായ തിരുനാൾ പാട്ടുകുർബാന-ഫാ. ആന്റണി മാങ്കുറിയിൽ. പ്രസംഗം-ഫാ. ജോർജ് കാച്ചപ്പിള്ളി. തുടർന്ന് പ്രദക്ഷിണം, രൂപം എടുത്തുവയ്ക്കൽ.
സെന്റ് ആന്റണീസ് ആശ്രമ പള്ളിയിൽ
ആലുവ: ആലുവ സെന്റ് ആന്റണീസ് ആശ്രമ ദേവാലയത്തിൽ വിശുദ്ധ അന്തോണീസിന്റെയും വിശുദ്ധ ചാവറ പിതാവിന്റെയും സംയുക്ത തിരുനാൾ 10, 11, 12 തീയതികളിൽ ആഘോഷിക്കും. പത്തിനു വൈകുന്നേരം 5.15നു കൊടികയറ്റും. ആശ്രമം പ്രിയോർ ഫാ. ബെർക്കുമെൻസ് കോയിത്തറ കാർമികത്വം വഹിക്കും. തുടർന്ന് പ്രസുദേന്തി വാഴ്ച. ഫാ. ബെന്നി എണ്ണയ്ക്കാപ്പിള്ളിയുടെ കാർമികത്വത്തിൽ ദിവ്യബലി.11നു വൈകുന്നേരം 4.45നു വാഹന വെഞ്ചിരിപ്പ്. തുടർന്നു ദിവ്യബലി. ഫാ. ഡേവിസ് പടനയ്ക്കൽ കാർമികത്വം വഹിക്കും. പ്രസംഗം: ഫാ. ജോസഫ് കുസുമാലയം. തുടർന്ന് പ്രദക്ഷിണം.തിരുനാൾ ദിനമായ 12നു രാവിലെ 9നു ആഘോഷമായ തിരുനാൾ പാട്ടുകുർബാന. ഫാ. ജോസ് തുറവക്കൽ കാർമികത്വം വഹിക്കും. പ്രസംഗം: ഫാ. സിജോ മേനാച്ചേരി. തുടർന്ന് പ്രദക്ഷിണം.
മങ്കുഴി നടുപ്പിള്ളിത്തോട് കപ്പേളയിൽ
ചേരാനല്ലൂർ: മങ്കുഴി തിരുക്കുടുംബ ഇടവകയിലെ നടുപ്പിള്ളിത്തോട് കപ്പേളയിൽ വിശുദ്ധ അന്തോണീസിന്റെ തിരുനാൾ 11, 12 തീയതികളിൽ ആഘോഷിക്കും. 11നു വൈകുന്നേരം 6.30നു വികാരി ഫാ. ജോസഫ് വളവി കൊടി ഉയർത്തും. 12നു വൈകുന്നേരം അഞ്ചിനു ആഘോഷമായ ദിവ്യബലി. ഫാ. ജോബി ഞാളിയൻ കാർമികത്വം വഹിക്കും. തുടർന്ന് പ്രസംഗം, പ്രദക്ഷിണം. തിരുനാളിന് ഒരുക്കമായുള്ള നൊവേന ഇന്ന് ആരംഭിക്കും. 11നു നൊവേനയ്ക്കുശേഷം നേർച്ചസദ്യ ഉണ്ടായിരിക്കും.
മടപ്ലാതുരുത്ത് കപ്പേളയിൽ
പറവൂർ: മടപ്ലാതുരുത്ത് കപ്പേളയിൽ ഉണ്ണിമിശിഹായുടെ തിരുനാളിനു വികാരി ഫാ. ജോർജ് മാണിക്കത്താൻ കൊടിയേറ്റി. പ്രധാനതിരുനാൾ ദിനമായ ഇന്ന് രാവിലെ 8.30 ന് വിശുദ്ധ കുർബാന, പ്രസംഗം-ഫാ. തോമസ് പടമാട്ടുമ്മൽ. 10.30 ന് നേർച്ചസദ്യ വെഞ്ചിരിപ്പ്, വിശുദ്ധകുർബാന, നൊവേന-ഫാ. സാജു മാടവനക്കാട്ട്. രണ്ടിന് കുർബാനയിൽ ഫാ. ജെസ്റ്റിൻ ഒആർസി കാർമികനാകും. നാലിന് പ്രസുദേന്തി വാഴ്ച. തുടർന്ന് തിരുനാൾ കുർബാനയ്ക്കു ഫാ. ജോയി മഠത്തുംപടി മുഖ്യകാർമികത്വം വഹിക്കും. റവ. ഡോ. ബാബു പാണാട്ടുപറന്പിൽ പ്രസംഗിക്കും. തുടർന്ന് പ്രദക്ഷിണം. 16ന് എട്ടാമിടം. വൈകുന്നേരം 5.30 ന് വിശുദ്ധ കുർബാനയിൽ ഫാ. ടോം മുള്ളൻചിറ കാർമികത്വം വഹിക്കും. ഫാ. ഡയസ് ആന്റണി പ്രസംഗിക്കും.
തിരുനാൾ
02:45 AM Feb 09, 2017 | Deepika.com