വേളി സെന്റ് തോമസ് ദേവാലയത്തിൽ തിരുനാൾ നാളെ
01:25 AM Feb 09, 2017 | Deepika.com
തിരുവനന്തപുരം: വേളി സെന്റ് തോമസ് ദേവാലയത്തിൽ അത്ഭുത പ്രവർത്തകനായ വി. അന്തോനീസിന്റെ തിരുനാൾ കൊടിയേറ്റ് നാളെ. 19 വരെ നടക്കുന്ന തിരുനാൾ ആഘോഷത്തിൽ വി. കുർബാന, ജപമാല, നൊവേന, വചന പ്രഘോഷണം, തിരുശേഷിപ്പ് വണക്കം എന്നിവ നടക്കും.നാളെ വൈകിട്ട് ആറിന് തിരുനാൾ കൊടിയേറ്റ് ഫാ.എൽ. ആന്റണി ഒഎഫ്എം നിർവഹിക്കും.തുടർന്ന് നടക്കുന്ന കുർബാനയ്ക്ക് തിരുവനന്തപുരം അതിരൂപത ചാൻസിലർ ഫാ. ഇഗ്നാസി നേതൃത്വം നൽകും. സമാപന ദിനമായ 19നു ആഘോഷമായ പൊന്തിഫിക്കൽ കുർബാന തിരുവനന്തപുരം അതിരൂപത സഹായമെത്രാൻ റവ. ഡോ. ആർ. ക്രിസ്തുദാസ് നയിക്കും.