ആറ്റിങ്ങൽ: നൈറ്റ് പെട്രോളിംഗിനു പോയ ആറ്റിങ്ങൽ പോലീസിനു നേരേ ആക്രമണം. കല്ലേറിൽ ജീപ്പിന്റെ പിറകുവശത്തെ ഗ്ലാസ് തകർന്നു.
ഇന്നലെ വെളുപ്പിന് 2.30 ഓടെ അയിലം ജംഗ്ഷനിലായിരുന്നു സംഭവം. പ്രശ്ന മേഖലയായ അയിലത്ത് പോലീസ് രാത്രികാല പെട്രോളിംഗ് നടത്തുന്നത് സ്ഥിരമാണ്.
പെട്രോളിംഗിനിടെ അയിലം ജംഗ്ഷനിൽ നിർത്തിയിട്ടിരുന്ന ജീപ്പിലിരുന്ന പോലീസുകാരെ ബൈക്കിൽ കടന്നുപോയ രണ്ടുപേർ അസഭ്യം വിളിച്ചു ഇവർ മദ്യലഹരിയിലാണ് പോകുന്നതെന്നു മനസിലാക്കിയ പോലീസ് പ്രതികരിക്കാൻ പോയില്ലെന്ന് പോലീസ് പറഞ്ഞു. അല്പം കഴിഞ്ഞ് തിരിച്ചുവന്ന യുവാക്കൾ ജീപ്പിനു നേരേ കല്ലെറിയുകയായിരുന്നു.പോലീസ് പിന്നാലേ എത്തിയപ്പോൾ പ്രതികൾ ബൈക്കിൽ രക്ഷപ്പെട്ടു.
ഗ്രേഡ് എസ്ഐ രാജുവും രണ്ട് സിപിഒമാരുമാണ് ജീപ്പിൽ ഉണ്ടായിരുന്നത്.
ഗ്ലാസ് തകർന്ന് ജീപ്പിനുള്ളിൽ തെറിച്ചെങ്കിലും ആർക്കും പരിക്കില്ല. പ്രതികളെ തിരിച്ചറിഞ്ഞതായും ഉടൻ പിടികൂടുമെന്നും എസ്ഐ തൻസീം പറഞ്ഞു.
നൈറ്റ് പെട്രോളിംഗിനു പോയ പോലീസ് സംഘത്തിനു നേരേ ആക്രമണം
01:23 AM Feb 09, 2017 | Deepika.com