കാർ മറിഞ്ഞ് ഡ്രൈവർ മരിച്ചു
01:03 AM Feb 09, 2017 | Deepika.com
തിരുവനന്തപുരം: കിളിമാനൂരിനു സമീപം കാർ നിയന്ത്രണം വിട്ട് മുപ്പതടി താഴ്ചയിലേക്ക് മറിഞ്ഞ് ഡ്രൈവർ മരിച്ചു. തൊളിക്കോട് ആനപ്പെട്ടി രാധാനിലയത്തിൽ സാബു (39) ആണ് മരിച്ചത്. ഇന്നലെ രാത്രി 10.45 ഓടെ കിളിമാനൂരിന് സമീപമായിരുന്നു സംഭവം. നിയന്ത്രണംവിട്ട കാർ കൊക്കയിലേക്ക് വീഴുകയായിരുന്നു. കാറിൽ സാബു മാത്രമേ ഉണ്ട ായിരുന്നുള്ളൂ. കാർ വെട്ടിപ്പൊളിച്ച് സാബുവിനെ പുറത്തെടുക്കുന്പോഴേക്ക് മരണം സംഭവിച്ചിരുന്നു. കിളിമാനൂരിൽനിന്ന് തിരുവനന്തപുരം ഭാഗത്തേക്ക് വരികയായിരുന്നു കാർ.