കൽപ്പറ്റ: സംസ്ഥാന പട്ടികജാതി പട്ടികവർഗ വികസന കോർപ്പറേഷൻ ദേശീയ പട്ടികജാതി ധനകാര്യ വികസന കോർപ്പറേഷന്റെ സഹായത്തോടെ നടപ്പിലാക്കുന്ന മൂന്നു ലക്ഷം രൂപ പദ്ധതി തുകയുള്ള ലഘു വ്യവസായ യോജന പദ്ധതിക്കു കീഴിൽ വായ്പ അനുവദിക്കുന്നതിന് ജില്ലയിലെ പട്ടിക ജാതിയിൽപ്പെട്ട തൊഴിൽരഹിതരിൽ നിന്നും അപേക്ഷ ക്ഷണിച്ചു. വായ്പതുക ആറു ശതമാനം വാർഷിക പലിശയോടുകൂടി അഞ്ചു വർഷംകൊണ്ട് തിരിച്ചടയ്ക്കണം.
50000 രൂപ പദ്ധതി തുകയുള്ള മൈക്രോ ക്രെഡിറ്റ് ഫിനാൻസ് പദ്ധതിക്കു കീഴിൽ വായ്പ അനുവദിക്കുന്നതിന് ജില്ലയിലെ പട്ടിക ജാതിയിൽപ്പെട്ട തൊഴിൽരഹിതരിൽ നിന്നും അപേക്ഷ ക്ഷണിച്ചു. വായ്പതുക അഞ്ചു ശതമാനം വാർഷിക പലിശയോടുകൂടി മൂന്നു വർഷംകൊണ്ട് തിരിച്ചടക്കണം.
50000 രൂപ പദ്ധതി തുകയുള്ള മഹിളാ സമൃദ്ധി പദ്ധതിക്കു കീഴിൽ വായ്പ അനുവദിക്കുന്നതിന് ജില്ലയിലെ പട്ടിക ജാതിയിൽപ്പെട്ട തൊഴിൽരഹിതരിൽ നിന്നും അപേക്ഷ ക്ഷണിച്ചു. 18നും 50നും മധ്യേ പ്രായമുള്ള കുടുംബ വാർഷിക വരുമാനം ഗ്രാമ പ്രദേശങ്ങളിൽ 98000 രൂപയും നഗര പ്രദേശങ്ങളിൽ 1,20,000 രൂപയും കവിയാത്തവർക്ക് അപേക്ഷിക്കാം. വായ്പതുക നാല് ശതമാനം വാർഷിക പലിശയോടുകൂടി മൂന്നു വർഷംകൊണ്ട് തിരിച്ചടക്കണം.
മൂന്ന് പദ്ധതികളിലും തെരഞ്ഞെടുക്കുന്നവർ ഈടായി ഉദ്യോഗസ്ഥ ജാമ്യമോ വസ്തു ജാമ്യമോ ഹാജരാക്കണം. 18നും 50നും മധ്യേ പ്രായമുള്ള കുടുംബ വാർഷിക വരുമാനം ഗ്രാമ പ്രദേശങ്ങളിൽ 98000 രൂപയും നഗര പ്രദേശങ്ങളിൽ 1,20,000 രൂപയും കവിയാത്തവർക്ക് അപേക്ഷിക്കാം. അപേക്ഷാ ഫോമിനും വിശദ വിവരങ്ങൾക്കും കോർപ്പറേഷന്റെ ജില്ലാ ഓഫീസുമായി ബന്ധപ്പെടാം.
ഫോണ് 04936 202869
സ്വയംതൊഴിൽ വായ്പ : അപേക്ഷ ക്ഷണിച്ചു
01:00 AM Feb 09, 2017 | Deepika.com