സുൽത്താൻ ബത്തേരി: നിർമാണ മേഖലയിലെ പ്രതിസന്ധി പരിഹരിക്കണമെന്ന് നിർമാണ തൊഴിലാളി യൂണിയൻ (സിഐടിയു) ഏരിയ സമ്മേളനം ആവശ്യപ്പെട്ടു.
കല്ല്, മണൽ, മെറ്റൽ തുടങ്ങിയ നിർമാണ സാമഗ്രഹികളുടെ ലഭ്യത ഉറപ്പ് വരുത്തണം. ഇവയുടെ വില ഏകീകരിക്കണം. മണൽ വാരുന്നതുമായി ബന്ധപ്പെട്ട് കടവ് കമ്മിറ്റികൾ രൂപീകരിക്കണം.
നിർമാണ മേഖലയെ സംരക്ഷിക്കുന്നതിനുള്ള നിലപാട് ജില്ലാ ഭരണകൂടം എടുക്കണമെന്നും സമ്മേളനം ആവശ്യപ്പെട്ടു.
എം.മധു, വി.വി ബേബി, ബേബി വർഗീസ്, കെ.കെ കുര്യാക്കോസ് എന്നിവർ പ്രസംഗിച്ചു.
ഭാരവാഹികളായി പി.കെ രാമചന്ദ്രൻ-പ്രസിഡന്റ്, ഡി.ഷാജി, നാസർ, ജോസഫ്-വൈസ് പ്രസിഡന്റുമാർ,
എം.എ സുരേഷ്-സെക്രട്ടറി, ലിജോ ജോണി, കെ.ജി ഷാജി, ഹാരിസ്-ജോ.സെക്രട്ടറിമാർ, അശോകൻ ചൂരപ്ര-ട്രഷറർ എന്നിവരെ തെരഞ്ഞെടുത്തു.
നിർമാണ മേഖലയിലെ പ്രതിസന്ധി പരിഹരിക്കണം
01:02 AM Feb 08, 2017 | Deepika.com