കുവൈറ്റ് സിറ്റി : മർക്സ് കുവൈറ്റ് ചാപ്റ്ററിന്റെ പുതിയ ഭാരവാഹികളെ തെരഞ്ഞെടുത്തു. മർകസിന്റെ സാമൂഹിക, ജീവകാരുണ്യ, വിദ്യാഭ്യാസ പ്രവർത്തനങ്ങൾ വളരെയധികം വിലമതിക്കുന്നതാണെന്നും അശരണരെയും നിരാലംബരെയും കൈ പിടിച്ചുയർത്തി നാടിനും സമൂഹത്തിനും ഉപകാരപെടുന്ന രൂപത്തിൽ വിവിധ മേഖലകളിൽ പ്രവർത്തന സജ്ജരാക്കുകയുമാണ് മർക്കസ് ഇക്കാലമത്രയും നിർവഹിച്ചിട്ടുള്ളതെന്നും മർകസ് നോളേജ് സിറ്റി സിഇഒ അഡ്വ. തൻവീർ ഉമർ പറഞ്ഞു.
അബ്ദുൽ ഹകീം ദാരിമിയുടെ അധ്യക്ഷതയിൽ നടന്ന മർകസ് കുവൈറ്റ് വാർഷിക കൗൺസിലിൽ സംസാരിക്കുകയായിരുന്നു അദ്ദേഹം. അഹ്മദ് കെ മാണിയൂർ ഉദ്ഘാടനം ചെയ്തു. കൗൺസിലിൽ പുതിയ മർകസ് കമ്മിറ്റി ഭാരവാഹികളെ തെരഞ്ഞെടുത്തു. ഭാരവാഹികളായി അബ്ദുൽ ഹകീം ദാരിമി അത്തോളി (പ്രസിഡന്റ്), എൻജിനീയർ അബു മുഹമ്മദ് കുമ്മിണിപറമ്പ് ജനറൽ സെക്രട്ടറി, സത്താർ തൃപ്പനച്ചി (ഫിനാൻസ് സെക്രട്ടറി), എന്നിവരാണ് പ്രധാന ഭാരവാഹികൾ.
അബ്ദുൽ അസീസ് കാമിൽ സഖാഫി കൂനൂൽമാട്, അബ്ദു സഖാഫി നടമ്മൽപോയിൽ, ഹൈദരലി സഖാഫി വളപുരം, മൂസ്സ കാന്തപുരം (വകുപ്പ് പ്രസിഡണ്ടുമാർ) ഷൌക്കത്ത് അലി പാലക്കാട്, ഷബീർ സാസ്കോ, നസീർ വയനാട്, റാഷിദ് നരിപ്പറ്റ (വകുപ്പ് സെക്രട്ടറിമാർ) എന്നിവരാണ് സഹഭാരവാഹികൾ. ശഹദ് മൂസ കുറ്റിച്ചിറ റിപ്പോർട്ട് അവതരിപ്പിച്ചു. എഞ്ചി. അബൂ മുഹമ്മദ് സമാപന പ്രഭാഷണ നടത്തി.
മർകസ് കുവൈറ്റ് ചാപ്റ്ററിനു പുതിയ നേതൃത്വം
07:08 AM Jun 08, 2023 | Deepika.com