വാഷിംഗ്ടണ്: വൈറ്റ് ഹൗസിലേയ്ക്ക് വാഹനം ഇടിച്ച് കയറ്റിയ സംഭവത്തില് ഇന്ത്യന് വംശജന് അറസ്റ്റില്. സായ് വര്ഷിത് കണ്ടൂല(19) ആണ് സുരക്ഷാ ജീവനക്കാരുടെ പിടിയിലായത്.
തിങ്കളാഴ്ച രാവിലെ നടന്ന സംഭവത്തിന്റെ വിശദാംശങ്ങള് ഇന്നാണ് വൈറ്റ് ഹൗസ് പുറത്തുവിട്ടത്. വൈറ്റ് ഹൈസിലെ ലാഫൈറ്റി സ്ക്വയര് ഗേറ്റിന് സമീപമുള്ള സുരക്ഷാ ബാരിക്കേഡുകളിലേയ്ക്ക് ഇയാള് ട്രക്ക് ഇടിച്ചുകയറ്റുകയായിരുന്നു.
വാടയ്ക്കെടുത്ത ട്രക്കുമായി വന്ന് പ്രതി ബോധപൂര്വം അക്രമം നടത്തുകയായിരുന്നെന്ന് സുരക്ഷാ ജീവനക്കാര് അറിയിച്ചു. സംഭവത്തിന് ശേഷം നാസി പതാക കൈയിലേന്തിയ ഇയാള് പ്രഡിഡന്റ് ജോ ബൈഡനെ വധിക്കുമെന്നും അമേരിക്കന് സര്ക്കാരിനെ താഴെയിറക്കുമെന്നുമെല്ലാം ഉറക്കെ ആക്രോശിച്ചു.
പ്രസിഡന്റിനെ ആക്രമിക്കാന് ശ്രമിച്ചെ ന്നതടക്കമുള്ള ഗുരുതര വകുപ്പുകള് പ്രതിക്കെതിരേ ചുമത്തിയിട്ടുണ്ട്.
വൈറ്റ് ഹൗസിലേയ്ക്ക് ട്രക്ക് ഇടിച്ച് കയറ്റി അക്രമം; ഇന്ത്യന് വംശജന് അറസ്റ്റില്
11:08 AM May 24, 2023 | Deepika.com