ഡാളസ്: ഫോർട്ട് വർത്ത് ഐഎസ്ഡി മിഡിൽ സ്കൂൾ കാമ്പസിലേക്ക് തോക്ക് കൊണ്ടുവന്ന കുട്ടിയെയും അമ്മയെയും പോലീസ് അറസ്റ്റ് ചെയ്തു. ചൊവ്വാഴ്ചയായിരുന്നു സംഭവം.
വില്യം മോണിംഗ് മിഡിൽ സ്കൂൾ കാമ്പസിലേക്കാണ് കുട്ടി തോക്ക് കൊണ്ടുവന്നത്. അധികൃതർക്ക് വിവരം ലഭിച്ചതിനെ തുടർന്ന് സ്കൂൾ റിസോഴ്സ് ഓഫീസർമാർ എത്തി വിദ്യാർഥിയെ അറസ്റ്റ് ചെയ്തതായി ഫോർട്ട് വർത്ത് പോലീസ് പ്രസ്താവനയിൽ പറഞ്ഞു.
മകൻ കസ്റ്റഡിയിലാണെന്ന് വിവരം സ്കൂൾ അധികൃതർ അറിയിച്ചപ്പോൾ അമ്മ സ്കൂളിന് നേരെ ഭീഷണി മുഴക്കി. തുടർന്ന് ഇവരയും പോലീസ് അറസ്റ്റ് ചെയ്യുകയായിരുന്നു.
കുട്ടി എന്തിനാണ് സ്കൂളിൽ തോക്ക് കൊണ്ടുവന്നതെന്ന് വ്യക്തമായിട്ടില്ല. കുട്ടിയെ ജുവനൈൽ ഡീറ്റെൻഷൻ കേന്ദ്രത്തിലേക്ക് കൊണ്ടുപോയി. കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.
സ്കൂളിൽ തോക്ക് കൊണ്ടുവന്നു; അമ്മയും മകനും അറസ്റ്റിൽ
05:56 PM Mar 29, 2023 | Deepika.com