ടെന്നസി: ടെന്നസിയിലെ ഇന്റര്സ്റ്റേറ്റ് 24-ല് ഞായറാഴ്ച രാവിലെയുണ്ടായ കാര് അപകടത്തില് അഞ്ച് കുട്ടികള് ഉള്പ്പെടെ ആറ് പേര് മരിച്ചു. ഒരു സ്ത്രീക്ക് പരിക്കേൽക്കുകയും ചെയ്തു.
പരിക്കേറ്റവരെ സഹായിക്കാൻ നാല് അഡ്വാൻസ്ഡ് ലൈഫ് സപ്പോർട്ട് ആംബുലൻസുകളും ഒരു എയർ ആംബുലൻസും എത്തിച്ചേർന്നതായി എമർജൻസി മെഡിക്കൽ സർവീസസിൽ നിന്നുള്ള വാർത്താക്കുറിപ്പിൽ പറയുന്നു.
അപകടത്തിൽപ്പെട്ട ഒരു വാഹനത്തിന്റെ ഡ്രൈവർക്ക് പരിക്കില്ലെന്നാണ് റിപ്പോർട്ട്. തലകീഴായി മറിഞ്ഞ കാറിൽ പ്രായപൂർത്തിയായ ഒരു സ്ത്രീ ഗുരുതരാവസ്ഥയിൽ കണ്ടെത്തിയതായി റിപ്പോർട്ടിൽ പറയുന്നു.
യുവതിയെ നാഷ്വില്ലെയിലെ വാൻഡർബിൽറ്റ് യൂണിവേഴ്സിറ്റി മെഡിക്കൽ സെന്ററിലേക്ക് കൊണ്ടുപോയി. അഞ്ച് കുട്ടികളുൾപ്പെടെ മറ്റ് ആറ് പേർ സംഭവസ്ഥലത്ത് വച്ച് തന്നെ മരിച്ചതായി സ്ഥിരീകരിച്ചു.
അപകടത്തെക്കുറിച്ച് അന്വേഷിക്കുകയാണെന്നും അത് ലഭ്യമാകുമ്പോൾ കൂടുതൽ വിവരങ്ങൾ പുറത്തുവിടുമെന്നും ടെന്നസി ഹൈവേ പട്രോൾ പറഞ്ഞു. പ്രഫഷണൽ മാനസികാരോഗ്യവും കൗൺസിലിംഗ് സേവനങ്ങളും സജ്ജമാക്കിയിട്ടുണ്ടെന്നു റോബർട്ട്സൺ കൗണ്ടി എമർജൻസി മെഡിക്കൽ സർവീസസ് അതിന്റെ പ്രകാശനത്തിൽ പറഞ്ഞു.
ടെന്നസിയിൽ കാർ അപകടത്തിൽ ആറ് പേർ മരിച്ചു
07:29 PM Mar 27, 2023 | Deepika.com