കൊളംബസ്: കൊളംബസ് സെന്റ് മേരീസ് സീറോ മലബാര് കത്തോലിക്ക മിഷനിൽ വിശുദ്ധ യൗസേപ്പ് പിതാവിന്റെ തിരുനാൾ ആഘോഷവും നേര്ച്ച വിതരണവും നടന്നു.
മാർച്ച് 19ന് പ്രദക്ഷിണത്തോടെ തിരുനാൾ കർമ്മങ്ങൾ ആരംഭിച്ചു. മിഷൻ ഡയറക്ടർ ഫാദർ നിബി കണ്ണായിയുടെ കാർമികത്വത്തിൽ ആഘോഷപൂർവമായീ തിരുനാൾ കുർബാന അർപ്പിച്ചു. കുർബാനയ്ക്ക് ശേഷം നൊവേനയും, ലദീഞ്ഞും, നേർച്ച വിതരണവും നടത്തി.
തുടർന്നു ഫാദർ നിബി കണ്ണായി കൂട്ടായ്മയിലെ വിവിധ പ്രായത്തിലുള്ള 16 ജോസഫ് നാമധാരികളേ പ്രത്യേകം ആശിർവദിക്കുകയും തിരുനാൾ സമ്മാനം വിതരണം ചെയ്യുകയും ചെയ്തു. കൊളംബസില് നിന്നും പിആർഒ ബബിത അറിയിച്ചതാണിത്.
കൊളംബസ് സെന്റ് മേരീസ് മിഷനിൽ തിരുനാൾ ആഘോഷവും നേര്ച്ച വിതരണവും നടന്നു
06:10 PM Mar 24, 2023 | Deepika.com