കുവൈറ്റ് സിറ്റി: ഇന്ത്യൻ ഇസ്ലാഹീ സെന്ററിന്റെ കീഴിൽ ഉംറ നിർവഹിച്ചു തിരിച്ചെത്തിയവർക്കായി ഉംറ സംഗമം സംഘടിപ്പിച്ചു. അബൂബക്കർ സിദ്ദീഖ് മദനിയുടെ നേതൃത്വത്തിൽ ഫെബ്രുവരിയിലാണ് യാത്ര നടന്നത്. ഫർവാനിയ പീസ് എഡിറ്റോറിയത്തിൽ ഉംറ സംഗമത്തിൽ ഷമീം ഒതായി ഉദ്ബോധനം നടത്തി. ഉംറ നിർവഹിച്ച എല്ലാവരും തങ്ങളുടെ പുതിയ അനുഭവങ്ങളും കൃതജ്ഞതയും പങ്കുവച്ചു.
സിദ്ദീഖ് മദനി അധ്യക്ഷത വഹിച്ചു. അബ്ദുൽ ഗഫൂർ ഫറോഖ് സ്വാഗതം പറഞ്ഞു. ഹൃസ്വ സന്ദർശനാർത്ഥം കുവൈത്തിലെത്തിയ എഞ്ചിനീയർ ഉമ്മർക്കുട്ടി ക്ഷണിക്കപ്പെട്ട അതിഥിയായിരുന്നു. ഉംറ സെക്രട്ടറി ടി.എം റഷീദ് സംഘത്തിന് ആശംസയർപ്പിച്ച് സംസാരിച്ചു. ഐഐസി ജനറൽ സെക്രട്ടറി അബ്ദുൾ അസീസ് സലഫി സമാപന പ്രസംഗം നടത്തി.
ഇന്ത്യൻ ഇസ്ലാഹി ഉംറ സംഗമം സംഘടിപ്പിച്ചു
08:10 AM Mar 10, 2023 | Deepika.com