കനിവ് എന്ന സംഘടന കേരളത്തിലെ പാവപെട്ടവരായ രോഗശയ്യയിൽ കഴിയുന്ന ആളുകളെ മെഡിക്കലി സഹായിക്കുന്ന സംഘടനയാണ്. കനിവ് എന്ന വാക്കിനെ അർത്ഥവത്താക്കുന്ന പ്രവർത്തികളാണ് ഈ സംഘടന ചെയ്യുന്നത്. ഒരു കൂട്ടം ചെറുപ്പക്കാരായ ആളുകളുടെ നിർലോഫമായ സഹകാരം കൊണ്ടാണ് ഈ സംഘടനയുടെ പ്രവർത്തനം വളരെ നല്ല രീതിയിൽ മുന്നോട്ട് പോകുന്നത്. അഡ്വ. പി .കെ ജോണ്സൻ, അഡ്വ. ഡി.എസ്. സുനിൽ എന്നിവർ ഈ സംഘടനയുടെ പ്രവർത്തനങ്ങൾക്കു നേതൃത്വം നൽകുന്നു. ഈ ചടങ്ങിൽ സാന്പത്തികമായി പിന്നോക്കം നിൽക്കുന്ന വളരെ അധികം രോഗികൾക്ക് വീൽ ചെയറുകൾ ചികിത്സക്ക് വേണ്ടിയുള്ള സഹായങ്ങൾ എന്നിവ മന്ത്രി വിതരണം ചെയ്തു.
കൊട്ടാരക്കരയിൽ നടന്ന ചടങ്ങിൽ അസോസിയേഷനെ പ്രധിനിധികരിച്ചു മുൻ പ്രസിഡന്റും ഫൊക്കാന പി ആർഒയുമായ ശ്രീകുമാർ ഉണ്ണിത്താനാണ് ഈ തുക ധനകാര്യമന്ത്രി ആർ. ബാലഗോപാലാന് കൈമാറിയത്. ഈ അവസരത്തിൽ ആർ. ബാലഗോപാൽ വെസ്റ്റ്ചെസ്റ്റർ മലയാളീ അസോസിയേഷന്റെ ചാരിറ്റി പ്രവർത്തനങ്ങളെ പ്രശംസിക്കുകയും. വെസ്റ്റ്ചെസ്റ്റർ മലയാളീ അസോസിയേഷനുമായി വളരെ നാളത്തെ അടുത്ത പരിചയമുണ്ടെന്നും താൻ അമേരിക്ക സന്ദർശിക്കുന്ന അവസരങ്ങളിൽ എല്ലാം അസോസിയേഷന്റെ പ്രവർത്തനങ്ങളിൽ ബന്ധത്തപ്പെടാറുണ്ടെന്നും സദസിനെ അറിയിച്ചു. ഇത്തരം ചാരിറ്റി പ്രവർത്തനങ്ങൾക്ക് നേതൃത്വം നൽകുന്ന പ്രസിഡന്റ് ടെറൻസണ് തോമസിനെ പ്രത്യേകം അഭിനന്ദിക്കുകയും പ്രശംസിക്കുകയും ചെയ്തു.