വിവിധ രാജ്യങ്ങളില്‍നിന്നുള്ള വിവിധയിനങ്ങളിലുള്ള മാമ്പഴങ്ങളും മാമ്പഴങ്ങളാല്‍ നിര്‍മിച്ച വിഭവങ്ങളുമാണ് മേളയുടെ ആകര്‍ഷണം.
ഇന്ത്യ, പാക്കിസ്ഥാൻ, ശ്രീലങ്ക, ഉഗാണ്ട, വിയറ്റ്‌നാം, ഇന്തോനേഷ്യ, കെനിയ, തായ്‌ലന്‍ഡ്, യെമന്‍, കൊളംബിയ എന്നിവിടങ്ങളില്‍ നിന്നുള്ള മാമ്പഴങ്ങളാണ് ഏറെയും. മാങ്ങാ അച്ചാര്‍, കേക്കുകള്‍, ജൂസ് തുടങ്ങി നിരവധി ഉത്പന്നങ്ങൾ വില്‍പ്പനക്കുണ്ട്. നിരവധി വൈവിദ്ധ്യമാര്‍ന്ന മാമ്പഴങ്ങളാണ് മേളയില്‍ ഒരുക്കിയിട്ടുള്ളത്. മാമ്പഴ മേളയില്‍ ഒട്ടേറെ സ്വദേശികള്‍ സന്ദര്‍ശകരായി എത്തുന്നുവെന്നത് ശ്രദ്ധേയമാണ്. ഇന്ത്യന്‍ മാങ്ങകളോട് ഇവര്‍ ഏറെ പ്രിയം കാണിക്കുന്നു.
മുന്‍ വര്‍ഷങ്ങളില്‍ സംഘടിപ്പിച്ച മാമ്പഴമേളകള്‍ വന്‍വിജയമായിരുന്നുവെന്നും ഈവര്‍ഷവും ഉപഭോക്താക്കള്‍ക്ക് മനസിനിണങ്ങിയ മാമ്പഴങ്ങള്‍ തെരഞ്ഞെടുക്കാന്‍ അവസരം മേള നല്‍കുമെന്ന് പ്രതീക്ഷിക്കുന്നതായും ലുലു മാനേജ്മെന്‍റ് പറഞ്ഞു.