അ​ക്ഷ​യ ഷോ​പ്പിം​ഗ് കോം​പ്ല​ക്സ്പ: ​രാ​തി​ക​ള്‍​ക്ക് അ​ടി​യ​ന്ത​ര പ​രി​ഹാ​രം വേ​ണമെന്ന് വ്യാ​പാ​രി​ക​ള്‍

നെ​യ്യാ​റ്റി​ന്‍​ക​ര: അ​ന​ധി​കൃ​ത പാ​ര്‍​ക്കിം​ഗ് മു​ത​ല്‍ കാ​യി​ക പ​രി​ശീ​ല​നം വ​രെ​യു​ള്ള പ്ര​വൃ​ത്തി​ക​ള്‍ ന​ഗ​ര​സ​ഭ​യു​ടെ അ​ക്ഷ​യ ഷോ​പ്പിം​ഗ് കോം​പ്ല​ക്സി​ലെ വ്യാ​പാ​ര​ത്തി​ന് ത​ട​സമാ​കു​ന്ന​താ​യി പ​രാ​തി.

അ​ടി​യ​ന്ത​ര​മാ​യി പ​രി​ഹാ​രം ക​ണ്ടെ​ത്തി​യി​ല്ലെ​ങ്കി​ല്‍ പ്ര​ത്യ​ക്ഷ സ​മ​ര​ങ്ങ​ളി​ലേ​യ്ക്ക് നീ​ങ്ങു​മെ​ന്നു വ്യാ​പാ​രി​ക​ളുടെ മുന്നറിയി പ്പ്. നെ​യ്യാ​റ്റി​ന്‍​ക​ര ന​ഗ​ര​സ​ഭ​യു​ടെ നി​യ​ന്ത്ര​ണ​ത്തി​ലു​ള്ള അ​ക്ഷ​യ ഷോ​പ്പിം​ഗ് കോം​പ്ല​ക്സി​ലെ വ്യാ​പാ​രി​ക​ള്‍ നേ​രി​ടു​ന്ന പ്ര​ധാ​ന വെ​ല്ലു​വി​ളി​ക​ളി​ലൊ​ന്നാ​ണ് അ​ന​ധി​കൃ​ത പാ​ര്‍​ക്കിം​ഗ്. വ്യാ​പാ​ര സ്ഥാ​പ​ന​ങ്ങ​ളി​ലേ​യ്ക്ക് വ​രു​ന്ന ഉ​പ​ഭോ​ക്താ​ക്ക​ള്‍​ക്ക് വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്യാ​ന്‍ ആ​വ​ശ്യ​മാ​യ സ്ഥ​ല​സൗ​ക​ര്യ​മി​ല്ലാ​യെ​ന്ന് വ്യാ​പാ​രി​ക​ള്‍ ചൂ​ണ്ടി​ക്കാ​ട്ടു​ന്നു. പാ​ര്‍​ക്കിം​ഗി​നു ന​ഗ​ര​സ​ഭ അ​നു​വ​ദി​ച്ച സ്ഥ​ല​ങ്ങ​ളി​ല്‍ ടെ​ന്പോ, ട്ര​ക്ക​ര്‍ വാ​ഹ​ന​ങ്ങ​ളു​ടെ​യും കാ​യി​ക പ​രി​ശീ​ല​ന​ത്തി​നെ​ത്തു​ന്ന​വ​രു​ടെ വാ​ഹ​ന​ങ്ങ​ളു​ടെ​യും സാ​ന്നി​ധ്യ​മാ​ണു​ള്ള​ത്.

തി​രു​വ​ന​ന്ത​പു​ര​ത്തേ​യ്ക്കും ദൂ​ര​സ്ഥ​ല​ങ്ങ​ളി​ലേ​യ്ക്കും പോ​കു​ന്ന പ​ല സ്വ​കാ​ര്യ വ്യ​ക്തി​ക​ളും അ​ക്ഷ​യ ഷോ​പ്പിം​ഗ് കോം​പ്ല​ക്സ് കോ​ന്പൗ​ണ്ട് വാ​ഹ​ന പാ​ര്‍​ക്കിം​ഗി​നാ​യി ഉ​പ​യോ​ഗി​ക്കു​ന്ന​താ​യും പ​രാ​തി​യു​ണ്ട്. ചെ​റു​തും വ​ലു​തു​മാ​യ ഫ്ല​ക്സ് ബോ​ര്‍​ഡു​ക​ള്‍ ഷോ​പ്പിം​ഗ് കോം​പ്ല​ക്സി​ന്‍റെ ചു​റ്റും സ്ഥാ​പി​ച്ചി​രി​ക്കു​ന്ന​തും കോം​പ്ല​ക്സി​ലെ വ്യാ​പാ​ര​ത്തെ പ്ര​തി​കൂ​ല​മാ​യി ബാ​ധി​ക്കു​ന്നു. നി​ര​വ​ധി സ​ര്‍​ക്കാ​ര്‍ സ്ഥാ​പ​ന​ങ്ങ​ളും പ്ര​വ​ര്‍​ത്തി​ക്കു​ന്ന കോം​പ്ല​ക്സി​ല്‍ വ​രു​ന്ന​വ​ര്‍​ക്ക് പ്രാ​ഥ​മി​കാ​വ​ശ്യ​ങ്ങ​ള്‍ നി​ര്‍​വ​ഹി​ക്കാ​നു​ള്ള സൗ​ക​ര്യ​മി​ല്ലാ​യെ​ന്ന പ​രാ​തി​ക്ക് ഇ​തു​വ​രെ​യും പ​രി​ഹാ​ര​മാ​യി​ട്ടി​ല്ല.

ഷോ​പ്പിം​ഗ് കോം​പ്ല​ക്സ് പ​രി​സ​ര​ത്തെ കാ​യി​ക പ​രി​ശീ​ല​നം കാ​യി​കാ​വ​ശ്യ​ങ്ങ​ള്‍​ക്കു​ള്ള സ്റ്റേ​ഡി​യ​ത്തി​ലേ​ക്കോ ​മ​റ്റോ മാ​റ്റ​ണ​മെ​ന്ന വ്യാ​പാ​രി​ക​ളു​ടെ ആ​വ​ശ്യ​വും ശ​ക്ത​മാ​ണ്. നി​ര​വ​ധി ത​വ​ണ ഈ ​വി​ഷ​യ​ങ്ങ​ള്‍ ബ​ന്ധ​പ്പെ​ട്ട​വ​രു​ടെ ശ്ര​ദ്ധ​യി​ല്‍​പ്പെ​ടു​ത്തി​യി​ട്ടും ന​ട​പ​ടി സ്വീ​ക​രി​ച്ചി​ട്ടി​ല്ല. ഈ ​സാ​ഹ​ച​ര്യ​ത്തി​ല്‍ നി​യ​മ​സ​ഹാ​യം തേ​ടി കോ​ട​തി​ക​ളെ സ​മീ​പി​ക്കാ​നാ​ണ് ചി​ല വ്യാ​പാ​രി​ക​ള്‍ തീ​രു​മാ​നി​ച്ചി​രി​ക്കു​ന്ന​ത്. അ​ക്ഷ​യ ഷോ​ പ്പിം​ഗ് കോം​പ്ല​ക്സ് സം​ര​ക്ഷി​ക്ക​ണ​മെ​ന്ന ആ​വ​ശ്യ​വും വ്യാ​പാ​രി​ക​ള്‍ മു​ന്നോ​ട്ടു വ​യ്ക്കു​ന്നു.