ആ​ളി​ല്ലാ​ത്ത വീ​ട്ടി​ൽ മോ​ഷ​ണം: ന​ഷ്ട​മാ​യ​ത് എ​ട്ട​ര പ​വ​നും 2000 രൂ​പ​യും

നെ​ടു​മ​ങ്ങാ​ട്: ആളില്ലാത്ത വീട്ടിൽ മോഷണം നടത്തി എട്ടര പവൻ സ്വര്‌ണവും 2000 രൂപയും കവർ ന്നു. ക​ര​കു​ളം വേ​ങ്കോ​ട് പ്ലാ​ത്ത​റ ദീ​പു​വി​ന്‍റെ വീ​ട്ടി​ലാ​ണ് മോ​ഷ​ണം ന​ട​ന്ന​ത്. കു​ഞ്ഞി​ന്‍റെ ചി​കി​ത്സ​യ്ക്കാ​യി മൂ​ന്നു ദി​വ​സ​മാ​യി ഇ​വ​ർ ആ​ശു​പ​ത്രി​യി​ലാ​യി​രു​ന്നു.

ഇ​ന്ന​ലെ രാ​വി​ലെ വീ​ട്ടി​ൽ എ​ത്തി​യ​പ്പോ​ഴാ​ണ് മു​ൻവ​ശ​ത്തെ വാ​തി​ൽ ക​മ്പി​പ്പാ​ര ഉ​പ​യോ​ഗി​ച്ച് കു​ത്തിത്തുറ​ന്ന​താ​യി ക​ണ്ട​ത്. താ​ഴെ​ത്തെ​യും മു​ക​ളി​ല​ത്തെ​യും നി​ല​കളിലെ ര​ണ്ട് അ​ല​മാ​ര​ക​ൾ ത​ക​ർ​ത്താ​ണ് മോ​ഷ​ണം ന​ട​ത്തി​യ​ത്. മൂ​ന്നു മാ​ലകൾ, ബ്രേ സ്‌ലറ്റ്, വ​ള, ര​ണ്ട് ജോ​ഡി ക​മ്മ​ൽ, മോ​തി​ര​ങ്ങ​ള​ട​ക്കം എ​ട്ട​ര പ​വ​നും 2000 രൂ​പ​യും ആ​ണ് ന​ഷ്ട​പ്പെ​ട്ട​ത്.

പ്ലാ​ത്ത​റ​യി​ൽ സ​മാ​ന രീ​തി​യി​ലു​ള്ള മോ​ഷ​ണം പ​തി​വാ​ണെ​ന്നും പോ​ലീ​സ് നൈ​റ്റ് പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്നും നാ​ട്ടു​കാ​ർ അ​വ​ശ്യ​പ്പെ​ട്ടു. വി​വ​രം അ​റി​യി​ച്ച​തി​നെ തു​ട​ർ​ന്ന് പോലീസ് കേ​സെ​ടു​ത്തു. വി​ര​ല​ട​യാ​ള വി​ദ​ഗ്ദ്ധ​രും ഡോ​ഗ് സ്ക്വാ​ഡും സ്ഥ​പ​രി​ശോ​ധ​നകൾ ന​ട​ത്തി.