ഇരിട്ടി: എസ്എസ്എൽസി, പ്ലസ് ടു മികച്ച വിജയം നേടി സംസ്ഥന തലത്തിൽ ശ്രദ്ധേയമായ ഇരിട്ടി ഹയർ സെക്കൻഡറിസ്കൂളിലെ വിദ്യാർഥികളെ ആദരിച്ചു. വിജയോത്സവം ഇരിട്ടി നഗരസഭ ചെയർപേഴ്സൺ കെ. ശ്രീലത ഉദ്ഘാടനം ചെയ്തു. വാർഡ് കൗൺസിലർ പി.പി. ജയലക്ഷ്മി അധ്യക്ഷയായിരുന്നു. റിട്ട. പോലിസ് സുപ്രണ്ട് പ്രിൻസ് ഏബ്രഹാം മുഖ്യ പ്രഭാഷണം നടത്തി.
വിജയികൾക്കുള്ള അനുമോദനവും സമ്മാനദാനവും ജില്ലാ വിദ്യാഭ്യാസ ഓഫിസർ എൻ.ഐ. ചന്ദ്രിക നിർവഹിച്ചു. നഗരസഭ കൗൺസിലർമാരായ പി. രഘു, വി.പി. അബ്ദുൾ റഷീദ്, പ്രിൻസിപ്പൽ കെ. ഇ. ശ്രീജ, സന്തോഷ് കോയിറ്റി, മുഖ്യാധ്യാപിക ഷൈനി യോഹന്നാൻ, ആർ.കെ. ഷൈജു, കെ.വി. സുജേഷ് ബാബു, പി.വി. ശശീന്ദ്രൻ എന്നിവർ പ്രസംഗിച്ചു.
കൊട്ടിയൂർ: കൊട്ടിയൂർ ഐജെഎം ഹയർ സെക്കൻഡറി സ്കൂളിൽ വിജയോത്സവം സംഘടിപ്പിച്ചു. പ്ലസ്ടുവിൽ ഉന്നത വിജയം നേടിയവരെ ആദരിക്കുന്ന പരിപാടി ജില്ലാ പഞ്ചായത്ത് വൈസ് പ്രസിഡന്റ് ബിനോയ് കുര്യൻ ഉദ്ഘാടനം ചെയ്തു. സ്കൂൾ മാനേജർ ഫാ. സജി പുഞ്ചയിൽ അധ്യക്ഷത വഹിച്ചു.
വിജയികൾക്ക് പുരസ്കാര വിതരണം കൊട്ടിയൂർ ഗ്രാമപഞ്ചായത്ത് പ്രസിഡന്റ് റോയി നമ്പുടാകവും, എൻഡോവ്മെന്റ് വിതരണം എം.എസ്. ശിവനും നിർവഹിച്ചു. പഞ്ചായത്ത് മെംബർ ജെസി ഉറുമ്പിൽ, സണ്ണി വരകില്, മുഖ്യാധ്യാപകൻ ഇ.കെ. വർഗീസ്, പ്രിയ തോമസ്, അനൂപ് മാത്യു എന്നിവർ പ്രസംഗിച്ചു.
വിജയോത്സവം സംഘടിപ്പിച്ചു
01:00 AM Jun 10, 2023 | Deepika.com