കോട്ടയം: കേരള ടെക്സ്റ്റയില്‍ ആന്‍ഡ് ഗാര്‍മെന്‍റ്സ് ഡീലേഴ്‌സ് വെല്‍ഫെയര്‍ അസോസിയേഷന്‍ (കെടിജിഎ) കോട്ടയം മേഖലാ സമ്മേളനം നാളെ ഉച്ചകഴിഞ്ഞ് 2.30നു തെള്ളകം ഡിഎംസിസി കണ്‍വന്‍ഷന്‍ സെന്‍ററില്‍ നടക്കും. മേഖലാ പ്രസിഡന്‍റ് പി.ബി. ഗിരീഷ് അധ്യക്ഷത വഹിക്കും. മന്ത്രി വി.എന്‍. വാസവന്‍ ഉദ്ഘാടനം ചെയ്യും. രക്തദാനഫോറം ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എംഎല്‍എ നിര്‍വഹിക്കും. ഫാഷന്‍ഷോ ലോഗോ പ്രകാശനം കെടിജിഎ സംസ്ഥാന വനിതാ കോ-ഓഡിനേറ്റര്‍ ബീന കണ്ണന്‍ പ്രകാശനം ചെയ്യും. മുതിര്‍ന്ന വ്യാപാരികളെ കോട്ടയം നഗരസഭാധ്യക്ഷ ബിന്‍സി സെബാസ്റ്റ്യന്‍ ആദരിക്കും. മെമ്പര്‍ഷിപ്പ് വിതരണം സംസ്ഥാന സെക്രട്ടറി കെ. കൃഷ്ണന്‍ നിര്‍വഹിക്കും.
പത്രസമ്മേളനത്തില്‍ കെടിജിഎ സംസ്ഥാന വൈസ്പ്രസിഡന്‍റ് ജോര്‍ജ് തോമസ് മുണ്ടക്കല്‍, സംസ്ഥാന എക്‌സിക്യൂട്ടീവ് അംഗം എം.ബി. അമീന്‍ഷാ, ജില്ലാ സെക്രട്ടറി ഗോവിന്ദ് വാരിക്കാട്ട്, മേഖല പ്രസിഡന്‍റ് പി.ബി. ഗിരീഷ്, ജനറല്‍ സെക്രട്ടറി എബിന്‍ ജോസ് പോള്‍, ട്രഷറര്‍ സാജു തോമസ് എന്നിവര്‍ പങ്കെടുത്തു.
കെടിജിഎ കോട്ടയം മേഖലാ സമ്മേളനം
11:40 PM Jun 09, 2023 | Deepika.com