ഇരിട്ടി: കെഎസ്ആർടിസി ഡിപ്പോ എന്ന പേരിൽ 2011ൽ തട്ടിക്കൂട്ടി ഉദ്ഘാടനം ചെയ്തത് ഡിപ്പോ അല്ലെന്നും വെറുമൊരു വർക്ക് ഷോപ്പ് മാത്രമാണെന്നും സണ്ണി ജോസഫ് എംഎൽഎ. വേണ്ടത്ര സ്ഥല സൗകര്യങ്ങളോ രേഖകളോ ഇല്ലാതെ നടത്തിയ ഉദ്ഘാടനം തെരഞ്ഞെടുപ്പ് പ്രഹസനം മാത്രമായിരു ന്നുവെന്നും അദ്ദേഹം പറഞ്ഞു.
ഉദ്ഘാടനം ചെയ്ത ശിലാഫലകം പോലും അവിടെ അവശേഷിക്കുന്നില്ല. 10 ലക്ഷം രൂപ മുടക്കി ആരംഭിച്ചെന്നു പറയുന്ന വർക്ക്ഷോപ്പിന് സർക്കാരിൽനിന്ന് യാതൊരു അനുമതിയും ലഭിച്ചിരുന്നില്ല. കഴിഞ്ഞ ദിവസം ദീപിക പ്രസിദ്ധീകരിച്ച ഡിപ്പോ സംബന്ധിച്ച വാർത്തയോട് പ്രതികരിക്കുകയായിരുന്നു എംഎൽഎ. ഇറിഗേഷൻ ഡിപ്പാർട്ട്മെന്റ് കമ്യൂണിറ്റി ഹാൾ നിർമിക്കാൻ മാത്രം അനുവദിച്ച സ്ഥലത്ത് യാതൊരു അനുമതിയും വാങ്ങിക്കാതെ നടത്തിയ നിർമാണത്തിന് എംഎൽഎ എന്താണ് ചെയ്യേണ്ടതെന്ന് അദ്ദേഹം ചോദിച്ചു. തനിക്കെതിരേരെ ആരോപണം ഉന്നയിക്കുന്നവരോട് ഈ വിഷയത്തിൽ ഒരു തുറന്ന സംവാദത്തിന് തയാറാണെന്നും എംഎൽഎ പറഞ്ഞു.
അത് ഡിപ്പോയല്ല, വെറുമൊരു വർക്ക് ഷോപ്പ് : സണ്ണി ജോസഫ്
12:59 AM Jun 06, 2023 | Deepika.com