കോയന്പത്തൂർ: വാൽപ്പാറ വെള്ളച്ചാട്ടത്തിൽ ഫോട്ടോയെടുക്കുന്നതിനിടെ വെള്ളത്തിൽ വീണ് കാണാതായ യുവാവിന്റെ മൃതദേഹം അഞ്ചു ദിവസത്തിന് ശേഷം കണ്ടെത്തി.കോയന്പത്തൂർ സിങ്കനല്ലൂർ സ്വദേശി ജാജുവിന്റെ മകൻ ജഗർ (21) ആണ് മരിച്ചത്.
ഇയാളും സുഹൃത്തും 28ന് വാൽപ്പാറ പ്രദേശം സന്ദർശിച്ച ശേഷം സോളയാർ എസ്റ്റേറ്റ് പ്രദേശത്തെ ബിർള വെള്ളച്ചാട്ടത്തിലേക്ക് പോയി. വെള്ളച്ചാട്ടത്തിന് സമീപം ചിത്രങ്ങൾ എടുക്കുന്നതിനിടെ ജാഗറിന് കാലിടറുകയും വെള്ളത്തിൽ മുങ്ങിമരിക്കുകയുമായിരുന്നു.
പോലീസും ഫയർഫോഴ്സും ചേർന്ന് അഞ്ച് ദിവസത്തിന് ശേഷം ഇന്നലെ മൃതദേഹം കണ്ടെടുത്തു. മൃതദേഹം പോസ്റ്റ്മോർട്ടത്തിനായി വാൽപ്പാറ സർക്കാർ ആശുപത്രിയിലേക്ക് അയച്ചു. സംഭവത്തിൽ വാൽപ്പാറ പോലീസ് കേസെടുത്ത് അന്വേഷണം ആരംഭിച്ചു.
വാൽപ്പാറ വെള്ളച്ചാട്ടത്തിൽ വീണ് കാണാതായ യുവാവിന്റെ മൃതദേഹം കണ്ടെത്തി
01:55 AM Jun 03, 2023 | Deepika.com