ചങ്ങനാശേരി: ചങ്ങനാശേരി അതിരൂപത ബൈബിള് അപ്പൊസ്തലേറ്റിന്റെയും മാക് ടിവിയുടെയും നേതൃത്വത്തില് ആറുമാസക്കാലമായി 250 ഇടവകകളിലായി നടന്നു വന്നിരുന്ന നൂറുമേനി ദൈവവചന മനഃപാഠ മത്സര വിജയികളുടെ മഹാസംഗമം 10ന് നടത്തും.
രാവിലെ ഒന്പതു മുതല് എസ്ബി കോളജ് കാവുകാട്ട് ഹാളില് നടക്കുന്ന സമ്മേളനത്തില് രണ്ടായിരത്തോളം വിജയികള് പങ്കെടുക്കും. ഇടവക തല മത്സരത്തിൽ ഒന്ന്, രണ്ട്, മൂന്ന് സ്ഥാനങ്ങൾ ലഭിച്ചവർ, വ്യക്തിപരമായി നൂറു മാർക്കും അതിലധികമോ ലഭിച്ചവർ, കുടുംബമായി 200 മാർക്കോ അതിലധികമോ ലഭിച്ചവർ, അതിരൂപതാതല വിജയികൾ എന്നിവർ സമ്മാനങ്ങൾ ഏറ്റുവാങ്ങും.
പരിപാടികളുടെ വിജയത്തിനായി 100 പേരടങ്ങുന്ന സ്വാഗതസംഗം രൂപീകരിച്ചു. മാര്ത്തോമ്മാ വിദ്യാനികേതനില് നടന്ന നേതൃസമ്മേളനം മാര് തോമസ് തറയില് ഉദ്ഘാടനം ചെയ്തു. ഡയറക്ടര് ഫാ. ജോര്ജ് മാന്തുരുത്തി അധ്യക്ഷത വഹിച്ചു. ഫാ. മാത്യു കളത്തില്, ഫാ. മാത്യു നടയ്ക്കല്, ഫാ. അനീഷ് കുടിലില്, ഫാ. ടോജോ പുളിക്കപ്പടവില്, ഫാ. ജോയല് പുന്നശേരി, ജോബ് ആന്റണി, പ്രഫ. ജോസഫ് ടിറ്റോ, എ.പി. തോമസ്, സിബി മുക്കാടന്, ഇ.ജെ. ജോസഫ് ഇളപ്പുങ്കല്, സിസ്റ്റര് ചെറുപുഷ്പം, സാബു മാത്യു എന്നിവര് പ്രസംഗിച്ചു.
ചങ്ങനാശേരി അതിരൂപത നൂറുമേനി മഹാസംഗമം;ഒരുക്കങ്ങള്പൂര്ത്തിയായി
11:55 PM May 31, 2023 | Deepika.com