പാറത്തോട്: പാലപ്ര എസ്എൻഡിപി ശാഖയിലെ ഗുരുകൃപ കുടുംബ യൂണിറ്റ് പഠനോപകരണങ്ങൾ വിതരണം ചെയ്തു. കുടുംബ യൂണിറ്റിലെ അംഗങ്ങളുടെ കുട്ടികൾക്ക് പഠനോപകരണങ്ങൾ നൽകി ശാഖാ പ്രസിഡന്റ് സുരേന്ദ്രൻ കൊടിത്തോട്ടം ഉദ്ഘാടനം നിർവഹിച്ചു. ശാഖാ സെക്രട്ടറി വിനോദ് കിളിരുക്കുന്നേൽ അധ്യക്ഷത വഹിച്ചു.
വനിതാ സംഘം പ്രസിഡന്റ് ശോഭ വേണു, ശാഖാ മാനേജിംഗ് കമ്മിറ്റിയംഗം മഹേഷ് കൊട്ടാരം, യൂണിറ്റ് കൺവീനർ പി.ആർ. മനോജ്, ജോയിന്റ് കൺവീനർ ജയപാലൻ കൊച്ചുതോട്ടത്തിൽ എന്നിവർ പ്രസംഗിച്ചു. തുടർന്ന് ഹൈറേഞ്ച് എസ്എൻഡിപി യൂണിയൻ യൂത്ത്മൂവ്മെന്റ് സെക്രട്ടറിയായി തെരഞ്ഞെടുക്കപ്പെട്ട വിനോദ് കിളിരുകുന്നേലിനെ യൂണിറ്റ് കൺവീനർ പൊന്നാട അണിയിച്ച് ആദരിച്ചു.
പഠനോപകരണങ്ങൾ വിതരണം ചെയ്തു
11:27 PM May 29, 2023 | Deepika.com