കോട്ടയം: വനാതിർത്തി പങ്കിടുന്ന ജനവാസ മേഖലകളിൽ വന്യമൃഗങ്ങൾ നടത്തുന്ന മനുഷ്യക്കുരുതിക്ക് വിരാമമിടുന്ന നടപടികൾ യുദ്ധകാലാടിസ്ഥാനത്തിൽ കൈക്കൊള്ളണമെന്ന് കേരള കോൺഗ്രസ് -എം സംസ്ഥാന ഓഫീസ് ചാർജ് ജനറൽ സെക്രട്ടറി സ്റ്റീഫൻ ജോർജ് ആവശ്യപ്പെട്ടു. ജനങ്ങൾക്ക് ജീവഭയമില്ലാതെ ജീവിക്കാനും കൃഷിയടക്കമുള്ള ജോലികളിലേർപ്പെടാനുമുള്ള സാഹചര്യമാണ് മലയോര മേഖലയിൽ ഇപ്പോൾ വേണ്ടതെന്നും സ്റ്റീഫൻ ജോർജ് പറഞ്ഞു.
ദളിത് ഫ്രണ്ട് -എം സംസ്ഥാന ജനറൽ ബോഡി യോഗം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സംസ്ഥാന പ്രസിഡന്റ് ഉഷാലയം ശിവരാജന്റെ അധ്യക്ഷതയിൽ ബേബി ഉഴുത്തുവാൽ, മാലേത്ത് പ്രതാപചന്ദ്രൻ, എം.സി. ജയകുമാർ, രാമചന്ദ്രൻ അള്ളുമ്പുറം, രാജു കുഴിവേലി, സി.എ. ബാബു, കെ.പി. രാജപ്പൻ, ബാബുരാജ് മുതാക്കൽ, പി.ആർ. സുശീലൻ, എ. കെ. അനിൽകുമാർ എന്നിവർ പ്രസംഗിച്ചു.
വനാതിർത്തിയിലെ മനുഷ്യക്കുരുതിക്ക് വിരാമമിടണം: കേരള കോൺഗ്രസ് -എം
11:49 PM May 28, 2023 | Deepika.com