ചങ്ങനാശേരി: സമൂഹത്തില് ധാര്മിക മൂല്യങ്ങള് സംരക്ഷിക്കാന് അധ്യാപക സംഘടനകള്ക്കും പ്രവര്ത്തകര്ക്കും ബാധ്യതയുണ്ടെന്ന് എന്എസ്എസ് ഡയറക്ടര് ബോര്ഡംഗവും താലൂക്ക് യൂണിയന് പ്രസിഡന്റുമായ ഹരികുമാര് കോയിക്കല്. ഡെമോക്രാറ്റിക് സ്കൂള് ടീച്ചേഴ്സ് അസോസിയേഷന് കോട്ടയം ജില്ലാ സമ്മേളനം പെരുന്നയില് ഉദ്ഘാടനം ചെയ്യുകയായിരുന്നു അദ്ദേഹം. ലഹരി വിരുദ്ധ പ്രവര്ത്തനങ്ങളില് അധ്യാപകസമൂഹം മുന്നണിപ്പോരാളികളായി മാറണമെന്നും അദ്ദേഹം അഭിപ്രായപ്പെട്ടു.
സംസ്ഥാന പ്രസിഡന്റ് ബി. കൃഷ്ണകുമാര് അധ്യക്ഷത വഹിച്ചു. എൻഎസ്എസ് സ്കൂള്സ് ജനറല് മാനേജര് അഡ്വ. ടി.ജി. ജയകുമാര് മുഖ്യപ്രഭാഷണം നടത്തി. എസ്. വിനോദ് കുമാര്, ജി. രാജേഷ്, ടി.കെ. ജയലക്ഷ്മി, ബി. പ്രസന്നകുമാര്, ഹരിശങ്കര്, സി.ആര്. പ്രദീപ്, അനൂപ്. ആര്. നായര്, എന്.ആര്. ശ്രീജയ, ബിജു ദിവാകരന് എന്നിവര് പ്രസംഗിച്ചു. വിരമിച്ച അധ്യാപകര്ക്കു യാത്രയയപ്പും മികച്ച വിദ്യാലയങ്ങള്ക്കും കുട്ടികള്ക്കുമുള്ള അവാര്ഡുകളും സമ്മേളനത്തില് വിതരണം ചെയ്തു.
പുതിയ ഭാരവാഹികളായി എന്.ആര്. ശ്രീജയ (പ്രസിഡന്റ്), അനൂപ് ആര്. നായര് (സെക്രട്ടറി), സി.ആര്. പ്രദീപ് കുമാര് (ട്രഷറര്) എന്നിവരെ തെരഞ്ഞെടുത്തു.
പെരുന്നയില് ഡിഎസ്ടിഎ ജില്ലാ സമ്മേളനം നടത്തി
12:46 AM Apr 02, 2023 | Deepika.com