കുമരകം: ആവേശം വിതച്ച് കുമരകത്ത് വള്ളംകളി. ജി-20 ഷെർപ്പ സമ്മേളനത്തിനെത്തിയ പ്രതിനിധികൾക്കായി കുമരകത്ത് സംഘടിപ്പിച്ച പ്രദർശന വള്ളംകളിയാണ് കൗതുകമായത്.
കുമരകം കെടിഡിസി വാട്ടർ സ്കേപ്സിനോട് ചേർന്ന് വേമ്പനാട്ട് കായലിൽ പ്രത്യേകമൊരുക്കിയ ട്രാക്കിലായിരുന്നു പ്രദർശന മത്സരം. ജവഹർ തായങ്കരി, എടത്വ ചുണ്ടൻ, പായിപ്പാടൻ, ശ്രീവിനായകൻ എന്നീ ചുണ്ടൻ വള്ളങ്ങളായിരുന്നു പ്രദർശനമത്സരത്തിൽ പങ്കെടുത്തത്. വിദേശ നയതന്ത്ര പ്രതിനിധികളിൽ പലർക്കും മത്സരം കൗതുക കാഴ്ചയായി.
മുണ്ടും ബനിയനും തലയിൽ കെട്ടുമായിട്ടായിരുന്നു തുഴച്ചിലുകാരുടെ വേഷം. മത്സരത്തിനുശേഷം വിദേശപ്രതിനിധികളിൽ പലരും തുഴച്ചിൽകാരുടെ അടുതെത്തി അഭിനന്ദിച്ചു. ഇന്ത്യയുടെ ജി-20 ഷെർപ്പ അമിതാഭ് കാന്തും തുഴിച്ചിൽകാരെ പരിചയപ്പെട്ടു.
തുഴച്ചിലുകാർക്കൊപ്പം വള്ളപ്പാട്ടിന്‍റെ ആവേശത്തിൽ ഇവർ പങ്കുചേർത്തു. തുഴച്ചിൽകാർക്കൊപ്പംനിന്ന് ഫോട്ടോയും എടുത്താണ് നയതന്ത്രപ്രതിനിധികളിൽ പലരും മടങ്ങിയത്.
ജി-20: ആവേശം വിതച്ച് കുമരകത്ത് വള്ളംകളി
12:07 AM Apr 02, 2023 | Deepika.com