കൊച്ചി: ഭിന്നശേഷിക്കാര്ക്ക് ഏകീകൃത തിരിച്ചറിയല് കാര്ഡായ യുഡിഐഡി നല്കുന്നതിനുള്ള നടപടികള് ജില്ലയില് പുരോഗമിക്കുന്നു.
കേന്ദ്രസംസ്ഥാന സര്ക്കാരുകള് ഭിന്നശേഷിക്കാര്ക്ക് നല്കുന്ന എല്ലാവിധ ആനുകൂല്യങ്ങള്ക്കും പരിഗണിക്കുന്ന ആധികാരിക രേഖയാണ് യുഡിഐഡി കാര്ഡ്. ലഭ്യമായ അപേക്ഷകളുടെ 90 ശതമാനവും ഇതിനോടകം ജില്ലാ തലത്തില് തീര്പ്പാക്കി കഴിഞ്ഞു. ബാക്കിയുള്ളവ അപേക്ഷയ്ക്കൊപ്പം നല്കിയ രേഖകളുടെ പിശകു മൂലം കാര്ഡ് അനുമതി നല്കാന് സാധിക്കാത്ത അവസ്ഥയിലാണുള്ളത്.
ആയതിനാല്, അപേക്ഷ നല്കിയവര് ലഭിച്ചിട്ടുള്ള എൻറോള്മെന്റ് നമ്പര് വഴി യുഡിഐഡി കാര്ഡിന്റെ സ്റ്റാറ്റസ് അറിയുകയും നിര്ദേശിക്കപ്പെട്ട തിരുത്തലുകള് വരുത്തി 10 പ്രവൃത്തി ദിവസത്തിനകം അപേക്ഷ പുനഃസമര്പ്പിക്കുകയും ചെയ്യണമെന്ന് ജില്ലാ മെഡിക്കല് ഓഫീസര് അറിയിച്ചു.
കൂടുതല് വിവരങ്ങള്ക്ക് ജില്ലാ സാമൂഹ്യ നീതി വകുപ്പിനെയോ ജില്ലാ മെഡിക്കല് ഓഫീസിനെയോ ബന്ധപ്പെടണം.
നടപടികള് പുരോഗമിക്കുന്നു
12:14 AM Mar 31, 2023 | Deepika.com