ഭരണങ്ങാനം: മേരിഗിരി ആശുപത്രി പ്ലാറ്റിനം ജൂബിലി ആഘോഷങ്ങളുടെ ഭാഗമായി പ്ലാറ്റിനം ജൂബിലി രക്തദാന ക്യാമ്പ് ഇന്നു രാവിലെ 10.30 ന് ആശുപത്രിയില് നടക്കും. എഴുപത്തഞ്ച് വര്ഷങ്ങളുടെ ആഘോഷങ്ങളുടെ പ്രതീകമായി ആശുപത്രിയിലെ ഡോക്ടര്മാരും സിസ്റ്റര്മാരും നഴ്സുമാരും മറ്റു ജീവനക്കാരും ഉള്പ്പടെ 75 പേരാണ് ക്യാമ്പില് പങ്കെടുത്ത് രക്തം ദാനം ചെയ്യുന്നത്.
ആശുപത്രി സൂപ്രണ്ട് ഡോ. എം.പി. മാത്യുവിന്റെ അധ്യക്ഷതയില് ചേരുന്ന സമ്മേളനത്തില് മാണി സി. കാപ്പന് എംഎല്എ ക്യാമ്പ് ഉദ്ഘാടനം ചെയ്യും. ഭരണങ്ങാനം ഗ്രാമപഞ്ചായത്ത് പ്രസിഡന്റ് ലിസി സണ്ണി മുഖ്യപ്രഭാഷണവും പാലാ ബ്ലഡ് ഫോറം ജനറല് കണ്വീനര് ഷിബു തെക്കേമറ്റം രക്തദാന സന്ദേശവും നടത്തും. ഈരാറ്റുപേട്ട സിഐയും പാലാ ബ്ലഡ് ഫോറം ജോയിന്റ് കണ്വീനറുമായ ബാബു സെബാസ്റ്റ്യന്, ആരോഗ്യവകുപ്പ് മാസ് മീഡിയാ ഓഫീസര് ഡോമി ജോണ്, ഫാ. സിബി പാറടിയില്, ഗ്രാമപഞ്ചായത്ത് മെംബര് റെജി മാത്യു വടക്കേമേച്ചേരില്, ആശുപത്രി അഡ്മിനിസ്ട്രേറ്റര് സിസ്റ്റര് മിനി തോമസ്, അസി. അഡ്മിനിസ്ട്രേറ്റര് ജോസ്ബിന് മാത്യു, ബ്ലഡ് ബാങ്ക് ഇന് ചാര്ജ് സിസ്റ്റര് ആലീസ് ഔസേപ്പറമ്പില് എന്നിവര് പ്രസംഗിക്കും.
മേരിഗിരി ആശുപത്രി പ്ലാറ്റിനം ജൂബിലി; രക്തദാന ക്യാമ്പ് ഇന്ന്
10:04 PM Mar 26, 2023 | Deepika.com