കടുത്തുരുത്തി: വാട്സാപ്പും ഫേസ് ബുക്കും പോലുള്ള നവമാധ്യമങ്ങള് കുട്ടികളുടെ ജീവിതം തകര്ക്കാതിരിക്കാന് മാതാക്കള് കൂടുതല് ജാഗ്രത പാലിക്കണമെന്ന് കടുത്തുരുത്തി പഞ്ചായത്ത് പ്രസിഡന്റ് സൈനമ്മ ഷാജു. കടുത്തുരുത്തി സെന്റ് മേരീസ് ഫൊറോനാ മാതൃവേദിയുടെ നേതൃത്വത്തില് സംഘടിപ്പിച്ച വനിതാദിനാചരണം ഉദ്ഘാടനം ചെയ്യുകയായിരുന്നു സൈനമ്മ ഷാജു. കുട്ടികളെ കുടുംബങ്ങളുടെ കെട്ടുറുപ്പില് വളര്ത്താനും സംരക്ഷിക്കാനും മാതാക്കള്ക്ക് കഴിയണമെന്നും പഞ്ചായത്ത് പ്രസിഡന്റ് പറഞ്ഞു. കടുത്തുരുത്തി ഫൊറോനായുടെ കീഴിലുള്ള എല്ലാ ഇടവകകളില്നിന്നുമുള്ള പ്രതിനിധികള് പരിപാടിയില് പങ്കെടുത്തു.
മാതൃവേദി കടുത്തുരുത്തി ഫൊറോനായുടെ നേതൃത്വത്തില് ലീജിയന് ഓഫ് മേരി, എസ്എംവൈഎം സംഘടനകളുടെ സഹകരണത്തോടെയാണ് പരിപാടി സംഘടിപ്പിച്ചത്. സെന്റ് ആന്റണീസ് പാരീഷ് ഹാളില് നടന്ന സമ്മേളനത്തില് മാതൃവേദി ഫൊറോന പ്രസിഡന്റ് ഫിലോമിന സേവ്യര് അധ്യക്ഷത വഹിച്ചു. ദീര്ഘകാലമായി മാതൃകാപരമായ പ്രവര്ത്തനം നടത്തിയ മാതൃവേദി അംഗങ്ങളായ കടുത്തുരുത്തി യൂണിറ്റിലെ മറിയക്കുട്ടി ജോണ് ആദപ്പള്ളില്, മാന്നാര് ഇടവകയിലെ തങ്കമ്മ കുര്യാക്കോസ് ഒഴുപ്പറമ്പില് എന്നിവരെ യോഗത്തില് ആദരിച്ചു. മാതൃവേദി ഫൊറോനാ ഡയറക്ടര് റവ.ഡോ. മാത്യു അമ്പഴത്തുങ്കല് ആമുഖപ്രഭാഷണം നടത്തി.
“വിവര സാങ്കേതിക യുഗത്തില് സ്ത്രീകള് നേരിടുന്ന വെല്ലുവിളികള്’’ എന്ന വിഷയത്തില് ഫൊറോനാ വികാരി ഫാ. മാത്യു ചന്ദ്രന്കുന്നേല് ക്ലാസ് നയിച്ചു. മാതൃവേദി ഫൊറോനാ ഭാരവാഹികളായ മേരി ജോര്ജ്, ആലീസ് ജോര്ജ്, റീനാ ജോമോന് എന്നിവര് പരിപാടികള്ക്ക് നേതൃത്വം നല്കി. മാതൃവേദിയംഗങ്ങളുടെ കലാപരിപാടികളും ഇതോടുനുബന്ധിച്ചു നടന്നു.
കടുത്തുരുത്തി ഫൊറോനാ മാതൃവേദി വനിതാദിനാചരണം നടത്തി
12:34 AM Mar 26, 2023 | Deepika.com