കോട്ടയം: കേരളത്തിലെ റബര്‍ കര്‍ഷകര്‍ വിലയിടിവ് മൂലം വലിയ ദുരിതമനുഭവിച്ചപ്പോള്‍ കൈത്താങ്ങാകുന്നതിനു കേരള കോണ്‍ഗ്രസ് -എം ചെയര്‍മാനും മന്ത്രിയുമായിരുന്ന കെഎം. മാണിയാണ് വിവിധ വകുപ്പുകളെ ഏകോപിപിച്ച് റബര്‍ വിലസ്ഥിരതാ പദ്ധതി ആവിഷ്‌കരിച്ചത്. അതിനാൽ പദ്ധതിക്കു കെ.എം. മാണിയുടെ പേരിടണമെന്ന് യൂത്ത് ഫ്രണ്ട്-എം ആവശ്യപ്പെട്ടു. റബറിനു 250 രൂപ വില ഉറപ്പുവരുത്തണമെന്നും സംസ്ഥാന നേതൃ സമ്മേളനം ആവശ്യപ്പെട്ടു. കേരള കോണ്‍ഗ്രസ്-എം സംസ്ഥാന ജനറല്‍ സെക്രട്ടറി അഡ്വ. അലക്‌സ് കോഴിമല ഉദ്ഘാടനം ചെയ്തു.
സംസ്ഥാന വൈസ് പ്രസിഡന്‍റ് തോമസുകുട്ടി വരിക്കയില്‍ അധ്യക്ഷത വഹിച്ചു. സാജന്‍ തൊടുക, സിറിയക് ചാഴികാടന്‍, ഷെയ്ക് അബ്ദുള്ള, ദീപക് മാമ്മന്‍ മത്തായി, ജോജി പി. തോമസ്, ആല്‍ബിന്‍ പേണ്‍ഡാനം, ഷിബു തോമസ്, എല്‍ബി അഗസ്റ്റിന്‍, മാത്യു നൈനാന്‍, കെ.വൈ. സുനറ്റ്, ജോജസ് ജോസ്, തോമസ് ഫിലിപ്പോസ്, ജോമോന്‍ പൊടിപാറ, അരുണ്‍ തോമസ്, ജോഷ്വാ രാജു, പീറ്റര്‍ പാവറട്ടി, ഷിജോ ഗോപാലന്‍, സെബാസ്റ്റ്യന്‍ മുല്ലക്കര എന്നിവര്‍ പ്രസംഗിച്ചു.
റബര്‍ വിലസ്ഥിരതാ പദ്ധതിക്ക് കെ.എം. മാണിയുടെ പേര് നൽകണം: യൂത്ത്ഫ്രണ്ട് -എം
12:28 AM Mar 26, 2023 | Deepika.com