പോത്താനിക്കാട്: കടവൂർ പരിതപ്പുഴ റോഡ് പുനരുദ്ധാരണത്തിന് 13 ലക്ഷം രൂപ അനുവദിച്ച പൈങ്ങോട്ടൂർ പഞ്ചായത്ത് പ്രസിഡന്റ് സീമ സിബിക്കും ഭരണസമിതിക്കും അഭിവാദ്യമർപ്പിച്ച് പ്രദേശവാസികൾ സ്ഥാപിച്ച ഫ്ളെക്സ് ബോർഡുകൾ സാമൂഹിക വിരുദ്ധർ നശിപ്പിച്ചതായി പരാതി.
കോതമംഗലം-തൊടുപുഴ താലൂക്കുകളെ തമ്മിൽ ബന്ധിപ്പിക്കുന്ന പരിതപ്പുഴ ചെക്ക് ഡാമിലേക്കുള്ള റോഡ് കഴിഞ്ഞ എട്ട് വർഷമായി അറ്റകുറ്റപ്പണികൾ നടത്താത്തതുമൂലം തകർന്നു കിടക്കുകയാണ്. ഇതുസംബന്ധിച്ച് പ്രദേശവാസികൾ ഒപ്പിട്ട പരാതി പഞ്ചായത്ത് ഭരണമസിതിക്കു നൽകിയിരുന്നു. തുടർന്നാണ് ഫണ്ട് അനുവദിച്ചത്. ഫ്ളെക്സ് ബോർഡുകൾ നശിപ്പിച്ച സാമൂഹിക വിരുദ്ധരെ എത്രയും വേഗം അറസ്റ്റ് ചെയ്യണമെന്ന് നാട്ടുകാർ ആവശ്യപ്പട്ടു.
ഫ്ളെക്സ് ബോർഡുകൾ നശിപ്പിച്ചതായി പരാതി
12:11 AM Mar 26, 2023 | Deepika.com