അരുവിത്തുറ: സെന്റ് ജോർജ് കോളജ് പരിസ്ഥിതി പരിപാലനത്തിന്റെ സംസ്കാരം വിദ്യാർഥികൾക്കു പകർന്നു നൽകാനായി നടത്തിയ മാതൃകാപരമായ പ്രവർത്തനങ്ങൾക്ക് ഹരിത കേരളം മിഷന്റെ ഹരിത കാമ്പസ് അംഗീകാരം ലഭിച്ചു.
ജലസുരക്ഷ, ഭക്ഷ്യസുരക്ഷ, മാലിന്യ സംസ്കരണം എന്നീ മേഖലകളിൽ മാതൃകാപരമായ പ്രവർത്തനങ്ങൾ കാഴ്ചവച്ചതിന്റെ അടിസ്ഥാനത്തിലാണ് കോളജിന് കേരള സർക്കാരിന്റെ നവകേരളം കർമപദ്ധതിയുടെ ഭാഗമായുള്ള ഈ അംഗീകാരം ലഭ്യമായത്.21 ന് കോളജ് മാനേജർ റവ. ഡോ. അഗസ്റ്റിൻ പാലയ്ക്കപറമ്പിലിന്റെ അധ്യക്ഷതയിൽ നടക്കുന്ന ചടങ്ങിൽ കോട്ടയം ജില്ലാ കളക്ടർ ഡോ. പി.കെ. ജയശ്രീ ഹരിത സ്ഥാപനം പ്രശംസാപത്രം കോളജിനു കൈമാറും.
കോളജ് പ്രിൻസിപ്പൽ പ്രഫ. ഡോ. സിബി ജോസഫ്, ബർസാറും കോഴ്സ് കോ-ഓർഡിനേറ്ററുമായ ഫാ. ബിജു കുന്നയ്ക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ, ഡോ. സുമേഷ് ജോർജ്, മിഥുൻ ജോൺ എന്നിവർ പ്രസംഗിക്കും.
അരുവിത്തുറ സെന്റ് ജോർജ് കോളജിന് ഹരിത കാമ്പസ് അംഗീകാരം
11:04 PM Mar 25, 2023 | Deepika.com