സന്പൂർണ സോഷ്യൽ ഓഡിറ്റ് പ്രഖ്യാപനം
11:59 PM Mar 23, 2023 | Deepika.com
മൂവാറ്റുപുഴ: ബ്ലോക്കുതല സന്പൂർണ സോഷ്യൽ ഓഡിറ്റ് പ്രഖ്യാപനവും ഓഡിറ്റ് ടീമിനെ ആദരിക്കലും നടത്തി. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിപ്രകാരം പഞ്ചായത്ത് നടപ്പാക്കുന്ന എല്ലാപ്രവൃത്തികളുമാണ് സോഷ്യൽ ഓഡിറ്റിന് വിധേയമാക്കിയത്. പദ്ധതി നിർവഹണം, പൊതുപണം വിനിയോഗം, ഗുണഫലം എന്നിവ അടിസ്ഥാനമാക്കി പൗരസമൂഹം നടത്തുന്ന പരസ്യവും സ്വതന്ത്രവുമായ പരിശോധനയാണ് സോഷ്യൽ ഓഡിറ്റിംഗ്. മൂവാറ്റുപുഴ ബ്ലാക്ക് പഞ്ചായത്തിൽ നടന്ന ബ്ലോക്കുതല പ്രഖ്യാപനത്തിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് നിർവഹിച്ചു. ബ്ലോക്ക് പഞ്ചായത്ത് പ്രസിഡന്റ് പ്രഫ. ജോസ് അഗസ്റ്റിൻ അധ്യക്ഷത വഹിച്ചു. സോഷ്യൽ ഓഡിറ്റ് കേരള ഡയറക്ടർ ഡോ. എൻ. രമാകാന്തൻ പദ്ധതി വിശദീകരിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് സാറാമ്മ ജോണ്, ബ്ലോക്കിന് കീഴിലുള്ള വിവിധപഞ്ചായത്ത് പ്രസിഡന്റ്മാർ, ബ്ലോക്ക് സെക്രട്ടറി എം.ജി. രതി തുടങ്ങിയവർ പ്രസംഗിച്ചു.