ചെറുപുഴ: ഇന്ത്യൻ സമ്പത്ത് വ്യവസ്ഥയെ തകർക്കുന്ന മോദി-അദാനി-ബിജെപി കൂട്ടുകെട്ടിനെതിരേയും എസ്ബിഐ, എൽഐസി എന്നിവയുടെ കരുതൽ ധനം അദാനിക്ക് തീറെഴുതുന്ന നടപടിക്കെതിരേയും ചെറുപുഴ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ചെറുപുഴയിൽ പ്രതിഷേധ പ്രകടനവും ധർണയും നടത്തി. ചെറുപുഴ മേലെ ബസാറിൽ നിന്നും ആരംഭിച്ച പ്രകടനം ബസ് സ്റ്റാൻഡ് ചുറ്റി സ്റ്റേറ്റ് ബാങ്ക് ഓഫ് ഇന്ത്യ ചെറുപുഴ ബ്രാഞ്ചിനു മുന്നിൽ സമാപിച്ചു. തുടർന്ന് ബാങ്കിനു മുന്നിൽ നടന്ന പ്രതിഷേധ ധർണ കെപിസിസി അംഗം ചന്ദ്രൻ തില്ലങ്കേരി ഉദ്ഘാടനം ചെയ്തു.
ബ്ലോക്ക് കോൺഗ്രസ് കമ്മിറ്റി പ്രസിഡന്റ് മഹേഷ് കുന്നുമ്മൽ അധ്യക്ഷത വഹിച്ചു. കെ.കെ. സുരേഷ്കുമാർ, എ. ബാലകൃഷ്ണൻ, ടി.പി. ചന്ദ്രൻ, രവി പൊന്നംവയൽ, എൻ. അബ്ദുൾ റഹ്മാൻ, തങ്കച്ചൻ കാവാലം, സലിം തേക്കാട്ടിൽ, എം. ഉമ്മർ, സതീശൻ കാർത്തികപ്പള്ളി എന്നിവർ പ്രസംഗിച്ചു.
പ്രതിഷേധ പ്രകടനവും ധർണയും നടത്തി
01:09 AM Mar 22, 2023 | Deepika.com