പഴയങ്ങാടി: മാടായിപ്പാറയിൽ ഇന്നലെ വൈകുന്നേരമുണ്ടായ തീപിടിത്തത്തിൽ മൂന്നേക്കറോളം കത്തി നശിച്ചു.
മാടായി കോളജിനു സമീപമുള്ള ദേവസ്വം ഭൂമിയിലാണ് ഇന്നലെ വൈകുന്നേരം നാലോടെ തീപിടിത്തമുണ്ടായത്. പയ്യന്നൂർ ഫയർഫോഴ്സ് സ്റ്റേഷൻ ഓഫീസർ സന്തോഷ് കുമാറിന്റെ നേതൃത്വത്തിലുള്ള അഗ്നിശമന സേനാംഗങ്ങൾ എത്തിയാണ് തീയണച്ചത്. അഗ്നിശമന സേനാംഗങ്ങൾ എത്തുന്പോഴേക്കും ഒരേക്കറിലേറെ സ്ഥലത്ത് തീ പടർന്നിരുന്നു. ഏറെ നേരം പരിശ്രമിച്ചാണ് ഇവർ തീയണച്ചത്. ദേവസ്വം ഭൂമിയായ മാടായിപ്പാറയിൽ കഴിഞ്ഞ രണ്ട് മാസങ്ങൾക്കിടയിൽ പത്തിടങ്ങളിലാണ് തീപിടിത്തമുണ്ടായത്.
മാടായിപ്പാറയിൽ വീണ്ടും തീപിടിത്തം; മൂന്നേക്കർ കത്തി നശിച്ചു
12:47 AM Mar 21, 2023 | Deepika.com