വടക്കഞ്ചേരി: വടക്കഞ്ചേരി ടൗണിലെ കൊടിക്കാട്ടുകാവ് കാർത്തിക തിരുനാൾ വേലക്ക് മുന്നോടിയായ തിരുതാലി ഘോഷയാത്ര നടത്തി. പുഴക്കലിടം രാജസ്വരൂപത്തിൽ നിന്ന് ആനയുടെയും താലപ്പൊലിയുടെയും അകന്പടിയോടെയാണ് ഘോഷയാത്ര തുടങ്ങിയത്. ഘോഷയാത്രയ്ക്ക് നാഗസഹായം, ഗണപതി സഹായം, ടൗണ് മാരിയമ്മൻ ക്ഷേത്രം , കമ്മാന്തറ ദേശം, എൻ.എസ് എസ്. വടക്കഞ്ചേരി, നായർ സമാജം വടക്കഞ്ചേരി എന്നിവടങ്ങളിൽ സ്വീകരണം നൽകി. ഘോഷയാത്ര ക്ഷേത്രത്തിലെത്തി ഭഗവതിക്ക് തിരുതാലി ചാർത്തി ദീപാരാധന നടന്നു.
പി.ടി. ഉണ്ണാലച്ചൻ , വി.പി. പങ്കുഅച്ചൻ , വി.പി. ഉണ്ണി, പി.കെ. ജയകുമാർ എന്നിവർ നേതൃത്വം നല്കി. നാളെ പള്ളിവേട്ട നടക്കും. 23ന് വലിയ ആറാട്ട്, 24ന് അശ്വതി കുമ്മാട്ടി, 25 ഓട്ട കുമ്മാട്ടി എന്നിവയുണ്ടാകും.26 നാണ് വേല. കലാപരിപാടികൾ പി.ചന്ദ്രകുമാർ ഉദ്ഘാടനം ചെയ്തു. 120 കലാകാരികൾ പങ്കെടുത്ത മഹിഷാസുരമർദ്ദിനി നൃത്ത ശില്പവും അരങ്ങേറി.
കൊടിക്കാട്ടുകാവ് വേല : തിരുതാലി ഘോഷയാത്ര നടത്തി
12:18 AM Mar 21, 2023 | Deepika.com