ബോധവത്ക്കരണ പരിപാടി
11:26 PM Mar 20, 2023 | Deepika.com
കോട്ടയം: സിഎംഎസ് കോളജ് ഡയറെറ്റിക്സ് ആൻഡ് ഫുഡ് സർവീസ് മാനേജ്മെന്റ് വിഭാഗവും കാരിത്താസ് ആശുപത്രിയിയും നാഷണൽ സർവീസ് സ്കീം സംയുക്തമായി നേടാം ആരോഗ്യം നേടാം സന്തോഷം എന്ന പേരിൽ പോഷകാഹാര ബോധവൽക്കരണ പരിപാടി തിരുവാർപ്പ് പഞ്ചായത്തിലെ കാഞ്ഞിരത്ത് സംഘടിപ്പിച്ചു. പഞ്ചായത്തംഗം സുമേഷ്, എൻഎസ്എസ് കോട്ടയം ജില്ലാ പ്രോഗ്രാം കോർഡിനേറ്റർ ഡോ. കെ.ആർ. അജീഷ് എന്നിവർ സംയുക്തമായി ഉദ്ഘാടനം നിർവഹിച്ചു. വിദ്യാർഥികൾ വിവിധ രോഗങ്ങളെക്കുറിച്ചും അവയുടെ പാരിഹാരമാർഗങ്ങളെക്കുറിച്ചും വിശദീകരിച്ചു. നാടക രൂപത്തിലും നൃത്തരൂപത്തിലും വിദ്യാർഥികൾ വിഷയം അവതരിപ്പിച്ചത് കാഴ്ചക്കാരിൽ കൗതുകവും ആവേശവും ഉണർത്തി. ലഘുലേഖ വിതരണവും, നൽപ്പത് കുടുംബങ്ങൾക്ക് പച്ചക്കറി കിറ്റ് വിതരണവും പരിപാടിയുടെ ഭാഗമായി സംഘടിപ്പിച്ചു. നാലു ദിവസം നീണ്ടു നിന്ന ഭവന സന്ദർശനവും ആരോഗ്യ സർവ്വേയും പരിപാടികൾക്ക് മുന്നോടിയായി നടത്തിയിരുന്നു. പ്രോഗ്രാം കോർഡിനേറ്റർ രേണു കെ. ഏബ്രഹാം, അധ്യാപകരായ കവിത വിജയൻ, എസ്. ശ്രീജ എന്നിവർ നേതൃത്വം നൽകി.