പിഴ നികുതി പണത്തില്നിന്നു നല്കാന് അനുവദിക്കില്ലെന്ന് വി.ഡി. സതീശൻ
12:50 AM Mar 19, 2023 | Deepika.com
കൊച്ചി: ദേശീയ ഹരിത ട്രിബ്യൂണല് വിധി സര്ക്കാരിനും നഗരസഭയ്ക്കുമേറ്റ തിരിച്ചടിയാണെന്നും പിഴത്തുക നികുതി പണത്തില്നിന്നു നല്കാന് അനുവദിക്കില്ലെന്നും പ്രതിപക്ഷ നേതാവ് വി.ഡി. സതീശന്.2020 ല് ഇറക്കിയ ഉത്തരവിലൂടെ ലെഗസി വേസ്റ്റ് നീക്കം ചെയ്യുന്നതിന്റെ ഉത്തരവാദിത്തം സംസ്ഥാന സര്ക്കാര് ഏറ്റെടുത്തതാണ്. എന്നാല് മാലിന്യം നീക്കം ചെയ്യുന്നതില് സര്ക്കാരും അതിന് മേല്നോട്ടം വഹിക്കേണ്ട നഗരസഭയും മൂന്നുകൊല്ലമായി ദയനീയമായി പരാജയപ്പെട്ടു. ഇവരുടെ പരാജയത്തിന്റെ പിഴ ജനങ്ങളില് നിന്നും നല്കാന് അനുവദിക്കില്ല. ഉത്തരവാദികളായവരാണ് പിഴ നല്കേണ്ടതെന്നും സതീശന് പറഞ്ഞു.