പയ്യന്നൂർ: മീൻ പിടിക്കുന്നതിനിടയിൽ യുവാവ് പുഴയിൽ മുങ്ങിമരിച്ചു. രാമന്തളി വടക്കുമ്പാട് കെ.സി. പാലത്തിന് സമീപത്തെ അറുമാടി സുരേഷ് കുമാർ (46) ആണ് മുങ്ങിമരിച്ചത്. ഇന്നലെ ഉച്ചക്ക് ഒന്നോടെ പുന്നക്കടവ് പാലത്തിന് വടക്കുഭാഗത്തെ പുഴയിലായിരുന്നു സംഭവം.
സുഹൃത്തിനൊപ്പം പുഴയിൽ ചെമ്മീൻ പിടിക്കുന്നതിനിടെ സുരേഷ് കുമാർ മുങ്ങിത്താഴുകയായിരുന്നു. വിവരമറിഞ്ഞ് ഓടിയെത്തിയ നാട്ടുകാർ പുഴയിൽ തെരച്ചിൽ നടത്തി കരയ്ക്കെത്തിച്ചപ്പോഴേക്കും മരിച്ചിരുന്നു. മൃതദേഹം പരിയാരത്തെ കണ്ണൂർ ഗവ. മെഡിക്കൽ കോളജ് മോർച്ചറിയിൽ. പരേതനായ വേലിയാട്ട് ഗോവിന്ദൻ-അറുമാടി ജാനകി ദന്പതികളുടെ മകനാണ്. അവിവാഹിതനാണ്. സഹോദരങ്ങൾ: ശ്രീജ, പ്രമീള.
മീൻ പിടിക്കുന്നതിനിടയിൽ പുഴയിൽ മുങ്ങിമരിച്ചു
10:49 PM Mar 17, 2023 | Deepika.com